ព័ត៌មានក្នុងខេត្ត

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួម និងថ្លែងសុន្ទរកថា ក្នុងពិធីបើក វេទិកាអនាគតអាស៊ានលើកទី៣ នៅរដ្ឋធានីហាណូយ សាធារណរដ្ឋសង្គមនិយមវៀតណាម នាព្រឹកថ្ងៃទី៩ ខែមិថុនា ឆ្នាំ២០២៦។

ត្បូងឃ្មុំ៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញជាអធិបតីដឹកនាំកិច្ចប្រជុំត្រៀមរៀបចំពិធីខួបលើកទី៤៩ នៃទិវាដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧- ២០ មិថុនា ២០២៦ នៅសាលប្រជុំ ក សាលាខេត្តត្បូងឃ្មុំ។

(ត្បូងឃ្មុំ)៖ វិធានការក្តៅ «ដូចភ្លៀងរលឹម» របស់រដ្ឋបាលខេត្តត្បូងឃ្មុំ បានបន្តធ្វើឡើងយ៉ាងម៉ឺងម៉ាត់ នៅថ្ងៃសុក្រ ទី៥ ខែមិថុនា ឆ្នាំ២០២៦ នេះ កម្លាំងគណៈបញ្ជាការឯកភាពរដ្ឋបាលខេត្តត្បូងឃ្មុំ បានបើកប្រតិបត្តិការចុះធ្វើរដ្ឋបាលចំហរត្រួតពិនិត្យតាមផ្ទះវីឡា ផ្ទះសំណាក់ និងបន្ទប់ជួល ក្នុងភូមិសាស្ត្រស្រុកពញាក្រែក ដោយរកឃើញ និងឃាត់ខ្លួនជនបរទេសស្នាក់នៅខុសច្បាប់ចំនួន ២៣នាក់។

រសៀលថ្ងៃទី៦ខែមិថុនា ឆ្នាំ២០២៦ ឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ និងឯកឧត្ដម ពាង ណារិទ្ធ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាលនៃគណៈអភិបាលខេត្ត អញ្ជើញជាអធិបតីក្នុងកិច្ចប្រជុំសាមញ្ញលើកទី២៥ អាណត្តិទី៤ របស់ក្រុមប្រឹក្សាខេត្តត្បូងឃ្មុំ ស្ថិតនៅសាលប្រជុំ (ខ) សាលាខេត្ត។

ខេត្តត្បូងឃ្មុំ បានរៀបចំកិច្ចប្រជុំដ៏សំខាន់មួយជាមួយបងប្អូនអាជីវករលក់ដូរនៅបរិវេណមាត់ទន្លេសិប្បនិមិត្ត ក្រោមអធិបតីភាព ឯកឧត្តម ប៉េង សម្បត្តិ អភិបាលរង នៃគណៈអភិបាលខេត្តត្បូងឃ្មុំ។

ឯកឧត្តម ម៉ុន មាគ៌ា សមាជិកក្រុមប្រឹក្សាខេត្តត្បូងឃ្មុំ និង ឯកឧត្តម ពាង ណារិទ្ធ អភិបាលរងខេត្ត បានអញ្ជើញដឹកនាំមន្ត្រីរាជការនៃសាលាខេត្តត្បូងឃ្មុំ ចូលរួមពិធីបុណ្យផ្កាប្រាក់មហាសាមគ្គី វត្តសិលារង្សី (វត្តចាស់) ស្ថិតក្នុងឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ។

ត្បូងឃ្មុំ៖ នៅព្រឹកថ្ងៃទី០៧ ខែមិថុនា ឆ្នាំ២០២៦ ព្រះគ្រូសិរីធម្មធារ អុិត ឡាវ ព្រះអនុគណស្រុកពញាក្រែក ព្រមទាំងព្រះមន្ត្រីសង្ឃ, គណៈប្រតិភូក្រសួងធម្មការ និងសាសនា, លោក លី សុភាលីន អភិបាលនៃគណៈអភិបាលស្រុកពញាក្រែក ,លោក ដុំ ផាន អនុប្រធានមន្ទីរធម្មការ និងសាសនា បានអញ្ជើញជាអធិបតីក្នុងពិធីបើកកាត់ស្រោមវិញ្ញាសារប្រឡងពុទ្ធិកធម្មវិន័យ ថ្នាក់ត្រី ថ្នាក់ទោ ថ្នាក់ឯក សម្រាប់សម័យប្រឡងឆ្នាំ២០២៦ នៅមណ្ឌលប្រឡងសាលាបឋមសិក្សា និងអនុវិទ្យាល័យ ត្រពាំងផ្លុង ស្ថិតនៅ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។

រសៀលថ្ងៃទី០៧ ខែមិថុនា ឆ្នាំ២០២៦ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញដឹកនាំកិច្ចប្រជុំពិភាក្សាចុងក្រោយ ជាមួយគណៈកម្មការ ក្រុមហ៊ុន និងម្ចាស់ចំការទុរេន ដើម្បីត្រៀមរៀបចំ «ពិធីតាំងពិព័រណ៍ផ្លែទុរេនខេត្តត្បូងឃ្មុំ ឆ្នាំ២០២៦»។

លោក ស្រេង លី អភិបាលនៃគណៈអភិបាលស្រុកមេមត់, លោក ស៉ឺង គិរីវណ្ឌី នាយកទីចាត់ការផែនការ និងវិនិយោគខេត្តត្បូងឃ្មុំ និងលោក ជីវ ឆេងស៉ីម ប្រធានគណៈកម្មាធិការលទ្ធកម្មឃុំ និងជាមេឃុំគគីរ បានអញ្ជើញដឹកនាំកិច្ចប្រជុំដេញថ្លៃគម្រោងមូលនិធិឃុំ ឆ្នាំ២០២៦

ឯកឧត្តម គន់ រ័ត្នមុនី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ អញ្ជើញដឹកនាំកិច្ចប្រជុំត្រៀមរៀបចំពិធីតាំងពិព័រណ៍ផ្លែទុរេនខេត្តត្បូងឃ្មុំ នៅសាលប្រជុំ(ក)ជាន់ទី២សាលាខេត្ត ព្រឹកថ្ងៃទី២៥ ខែឧសភា ឆ្នាំ២០២៦។

នៅព្រឹកថ្ងៃទី២២ ខែឧសភា ឆ្នាំ២០២៦ មន្ទីរសុខាភិបាលខេត្តត្បូងឃ្មុំ បានរៀបចំពិធីទិវាអភិវឌ្ឍវិជ្ជាជីវៈវិជ្ជសាស្ត្របន្តលើកទី១៧ ខេត្តត្បូងឃ្មុំ ក្រោមអធិបតីភាព ឯកឧត្តមវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលនៃរដ្ឋបាលខេត្តត្បូងឃ្មុំ ឯកឧត្តមវេជ្ជបណ្ឌិត ឆន មុនី ប្រធានក្រុមប្រឹក្សាគណៈគ្រូពេទ្យខេត្ត ឯកឧត្តមសាស្ត្រាចារ្យ ជំនួយ ស៊ុ សត្ថា ប្រធានសមាគមទឹកនោមផ្អែមកម្ពុជា ឯកឧត្តម សាស្ត្រាចារ្យ ជំនួយ ឆរ ប៊ុនប៉ូល ឯកទេសជំងឺសួតនៃមន្ទីពេទ្យកាលម៉ែត នៅសាលប្រជុំមន្ទីរសុខាភិបាលខេត្តត្បូងឃ្មុំ។