ខេត្តត្បូងឃ្មុំ៖ លោក ណែត តឿន ម្ចាស់សិប្បកម្មផលិតជីកសិកម្មធម្មជាតិ ដែលមានទីតាំងស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ បានបង្ហាញពីឆន្ទៈយ៉ាងមុតមាំក្នុងការជំរុញឱ្យកសិករក្នុងតំបន់ងាកមកប្រើប្រាស់ជីធម្មជាតិវិញ ដើម្បីឆ្លើយតបទៅនឹងបញ្ហាតម្លៃជីគីមីហក់ឡើងខ្ពស់ និងការធ្លាក់ចុះនៃគុណភាពដីកសិកម្ម។

ក្រុមការងារបច្ចេកទេសនៃមន្ទីរព័ត៌មានខេត្តត្បូងឃ្មុំ ចុះជួបសម្ភាសន៍ជាមួយកសិករ និងម្ចាស់រោងចក្រនាំចេញកសិផលទុរេនខេត្តត្បូងឃ្មុំ ដើម្បីផលិតជាវីដេអូផ្សាយផ្ទាល់ពិព័រណ៍ទុរេនខេត្តត្បូងឃ្មុំ នៅថ្ងៃទី១២-១៤ ខែមិថុនា ឆ្នាំ២០២៦ខាងមុខនេះ។

លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ និងលោក ស្រេង លី អភិបាលនៃគណៈអភិបាលស្រុកមេមត់ បានអញ្ជើញជាអធិបតីក្នុងពិធីបើក «ផ្សារលក់កសិផលផ្លែទុរេន និងផ្លែឈើហូបផ្លែ» របស់សហគមន៍កសិកម្មម្រេចសរីរាង្គត្រមូងមេមត់ ក្នុងស្រុកមេមត់ ដើម្បីលើកស្ទួយ ជំរុញទីផ្សារ និងគាំទ្រដល់កសិផលធម្មជាតិពិតៗដែលជារបស់បងប្អូនកសិករនៅក្នុងមូលដ្ឋាន។