កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ខេត្តស្ទឹងត្រែង បាន និងកំពុងខិតខំជំរុញការសាងសង់ហេដ្ឋារចនាសម្ព័ន្ធទឹកស្អាត និងអនាម័យ ដើម្បីបម្រើជាប្រយោជន៍ជូនប្រជាពលរដ្ឋរស់នៅក្នុងឃុំចំនួន២  សរុបចំនួន ១០ភូមិ គឺឃុំអន្លង់ភេ និងឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។

ស្ទឹងត្រែង៖ នាថ្ងៃទី២៣ ខែកញ្ញា ឆ្នាំ២០២៦ មន្ទីរកិច្ចការនារីខេត្តស្ទឹងត្រែង បានរៀបចំកិច្ចប្រជុំប្រចាំត្រីមាសទី៣ ជាមួយក្រុមការងារឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រ (GBV) នៅសាលប្រជុំមន្ទីរកិច្ចការនារីខេត្ត ក្រោមអធិបតីភាពលោកជំទាវ វិន ស៊ីធួន អភិបាលរងនៃគណៈអភិបាលខេត្ត និងជាប្រធានក្រុមការងារ GBV ដោយមានការចូលរួមពីលោកស្រី សន សុខា ប្រធានមន្ទីរកិច្ចការនារីខេត្ត លោក ហ៊ុន សុភាព ព្រះរាជអាជ្ញារងនៃអយ្យការអមសាលាដំបូងខេត្ត ព្រមទាំងតំណាងមន្ទីរ អង្គភាព និងស្ថាប័នពាក់ព័ន្ធ។

ស្ទឹងត្រែង៖ រសៀលថ្ងៃទី២២ ខែកញ្ញា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តស្ទឹងត្រែង បានរៀបចំពិធីបិទវគ្គបណ្ដុះបណ្ដាល ស្តីពី «ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦» ជូនដល់មន្ត្រី ល.ខ.ប. និងភាគីពាក់ព័ន្ធ ក្រោមអធិបតីភាពលោក ហង់ កុង ប្រធានលេខាធិការដ្ឋានរៀបចំការបោះឆ្នោតខេត្ត និងលោក ម៉ែន គុង អភិបាលរង នៃគណៈអភិបាលខេត្តស្ទឹងត្រែង។

ខេត្តស្ទឹងត្រែង)៖ នាព្រឹកថ្ងៃទី២២ ខែកញ្ញា ឆ្នាំ២០២៦ នេះ នៅសាលប្រជុំសាលាស្រុកថាឡាបរិវ៉ាត់ មន្ទីរអភិវឌ្ឍន៍ជនបទខេត្តស្ទឹងត្រែង បានសហការជាមួយរដ្ឋបាលស្រុកថាឡាបរិវ៉ាត់ រៀបចំកិច្ចប្រជុំពន្លឿនការបញ្ចប់ការបន្ទោបង់ពាស់វាលពាសកាលកម្រិតខ្ពស់ (ODF+) ថ្នាក់ស្រុក ដើម្បីជំរុញ និងលើកកម្ពស់អនាម័យជនបទឱ្យកាន់តែមានប្រសិទ្ធភាព និងចរន្តលឿនទៅមុខ។

ស្ទឹងត្រែង ៖ នៅថ្ងៃទី២០ ខែកញ្ញា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីភាពក្នុងពិធីសំណេះសំណាល ថ្លែងអំណរគុណលោកគ្រូ អ្នកគ្រូបង្រៀនវគ្គបំប៉នស្ម័គ្រចិត្ត និងអបអរសាទរសិស្សប្រឡងជាប់និទ្ទេស A នៃខេត្តស្ទឹងត្រែង ដោយមានការចូលរួម ពី លោក លោកស្រីជាថ្នាក់ដឹកនាំខេត្ត អភិបាលក្រុង ស្រុក លោកគ្រូ អ្នកគ្រូ និង អាណាព្យាបាល សិស្ស ជាច្រើននាក់។

ពិធីនេះមានការអញ្ជើញចូលរួមពី លោក ទូច គង្គា អភិបាលរងខេត្តស្ទឹងត្រែង និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកបុរីអូរស្វាយសែនជ័យ ព្រមទាំងឯកឧត្តម លោក លោកស្រី ជាសមាសភាពក្រុមការងាររាជរដ្ឋាភិបាលចុះមូលដ្ឋានស្រុក ក្រុមប្រឹក្សាស្រុក គណៈអភិបាលស្រុក និងសមាជិក សមាជិកាដែលជាអាជ្ញាធរមូលដ្ឋាន ។