ព័ត៌មានក្នុងខេត្ត

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន អញ្ជើញដឹកនាំកិច្ចប្រជុំវាយតម្លៃលទ្ធផល និងសមិទ្ធផលពាក់កណ្តាលអាណត្តិ (ខែសីហា ឆ្នាំ២០២៣ មកដល់បច្ចុប្បន្ន)​​ និងផែនការការងារសម្រាប់ឆ្នាំ២០២៧-២០២៨ ដើម្បីសម្រេចផែនការយុទ្ធសាស្ត្រអភិវឌ្ឍន៍ វិស័យព័ត៌មាន និងសោតទស្សន៍ ឆ្នាំ២០២៤-២០២៨ នៅទីស្តីការក្រសួងព័ត៌មាន នាព្រឹកថ្ងៃទី១៧ ខែសីហា ឆ្នាំ២០២៦។

តំបន់អានសេះស្ថិតក្នុងទឹកដីកម្ពុជា បើយោងតាមផែនទីមាត្រដ្ឋាន ១:២00,000 និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L៧0១៧ មាត្រដ្ឋាន ១:៥0,000 ដែលថៃគូសដោយឯកតោភាគី។ —ឯកឧត្តម ស្រ៊ឺ បូរ៉ា អគ្គនាយកកិច្ចការបច្ចេកទេសព្រំដែន នៃរដ្ឋលេខាធិការដ្ឋានកិច្ចការព្រំដែនកម្ពុជា

(ខេត្តកំពត)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីដាំកូនឈើជានិមិត្តរូបចំនួន ២ម៉ឺនដើម ក្រោមប្រធានបទ “រួមគ្នាថែរក្សារុក្ខជាតិ ដើម្បីទេសចរណ៍ធម្មជាតិ បែបជំនឿសាសនា និងប្រពៃណី” នៅទីសក្ការៈវិមានឋានសួគ៌ ក្នុងគម្រោង យិន ផារ៉ាដាយ ស្ថិតនៅស្រុកទឹកឈូ ខេត្តកំពត។

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី១៧ ខែសីហា ឆ្នាំ២០២៦ នេះ បានអញ្ជើញសួរសុខទុក្ខ ឯកឧត្តម ច័ន្ទ សារុន តំណាងរាស្ត្រខេត្តតាកែវ ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត។

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃអង្គារ ទី១៨ ខែសីហា ឆ្នាំ២០២៦ បានអញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា ដើម្បីពិភាក្សា និងអនុម័តតាមរបៀបវារៈមួយចំនួន។

(ខេត្ត​ត្បូងឃ្មុំ)៖ នៅព្រឹកថ្ងៃអង្គារ ទី១៨ ខែសីហា ឆ្នាំ២០២៦ ក្រសួងមហាផ្ទៃ និងអាជ្ញាធរមានសមត្ថកិច្ច និងរដ្ឋបាលខេត្តត្បូងឃ្មុំ បានរៀបចំពិធីដុតបំផ្លាញចោលនូវវត្ថុតាងបារីក្លែងក្លាយ សំបកកញ្ចប់ និងសម្ភារវេចខ្ចប់ផលិតបារីក្លែងក្លាយសរុបប្រមាណ ៤០០តោន តាមដីកាសម្រេចរបស់សាលាដំបូងខេត្តត្បូងឃ្មុំក្រោមអធិបតីភាពដ៏ខ្ពង់ខ្ពស់ ឯកឧត្តម លី សុផាន់ណា អនុរដ្ឋលេខាធិការ ក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ អត្ថបទ និងរូបភាព៖​ ហ៊ីម លុកម៉ាន​ ពិនិត្យ​៖​ យ៉ាន​ យាត

(ខេត្ត​ត្បូងឃ្មុំ)៖ នារសៀលថ្ងៃទី១៧ ខែសីហា ឆ្នាំ២០២៦ ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ និងឯកឧត្តម ចេង ប៊ុណ្ណារ៉ា អភិបាលរងនៃគណៈអភិបាលខេត្តត្បូងឃ្មុំ បានអញ្ជើញជាអធិបតីភាព ក្នុងប្រជុំបើកការងារសវនកម្ម សម្រាប់ការិយបរិច្ឆេទ២០២៥ និងបណ្ដាឆ្នាំពាក់ព័ន្ធ នៅសាលប្រជុំ «ក» សាលាខេត្ត ដែលមានការចូលរួមពី ប្រតិភូសវនកម្ម អង្គភាពជុំវិញខេត្ត តំណាងអភិបាលក្រុង-ស្រុក និងអ្នកពាក់ព័ន្ធជាច្រើនរូប។ អត្ថបទ​៖​ ស៊ីវម៉េង រូបភាព​៖​ ហេង​ វិច្ឆិកា​ ពិនិត្យ​៖​ យាត

(រាជធានីភ្នំពេញ)៖ នាថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ លោក ធីន ស៉ីថាច​ ប្រធានមន្ទីរព័ត៌មានខេត្តត្បូងឃ្មុំ ព្រមទាំងថ្នាក់ដឹកនាំ និងមន្ត្រីរាជការទាំងអស់នៃមន្ទីរព័ត៌មានខេត្តត្បូងឃ្មុំ បានសម្តែងនូវគារវភក្តី និងថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តម នេត្រ ភក្ត្រា​ រដ្ឋមន្ត្រីក្រសួងព័ត៌មាន ក្នុងឱកាសដែលឯកឧត្តមរដ្ឋមន្ត្រីបានប្រគល់ជូននូវសម្ភារព័ត៌មានវិទ្យា និងឧបករណ៍បច្ចេកទេសបម្រើឱ្យវិស័យព័ត៌មាន ស្ថិតនៅទីស្តីការក្រសួងព័ត៌មាន។ អត្ថបទ​៖​ យ៉ាន​ យាត

(ខេត្តត្បូងឃ្មុំ)៖ រដ្ឋបាលខេត្តត្បូងឃ្មុំ នឹងរៀបចំពិធីសម្ពោធដាក់ឱ្យប្រើប្រាស់ផ្លូវ DBST ប្រវែង ៥ ៧០៤ម៉ែត្រ ព្រមទាំងបើកការដ្ឋានសាងសង់ផ្លូវ DBST បន្ថែមទៀតប្រវែង ៦ ០០០ម៉ែត្រ នៅឃុំមេមត់ ស្រុកមេមត់ ប្រកបដោយភាពមហោឡារិក នាព្រឹកថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ ស្អែកនេះ។ អត្ថបទ​ និងរូបភាព​៖​ យ៉ាន​ យាត

(ខេត្តត្បូងឃ្មុំ)៖ នាព្រឹកថ្ងៃទី១៧ ខែសីហា ឆ្នាំ២០២៦ ឯកឧត្តម ប៉ែន កុសល្យ​ អភិបាលខេត្តត្បូងឃ្មុំ បានអញ្ជើញអមដំណើរ​ ឯកឧត្តម ឌិត ទីណា​ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងប្រតិភូក្រសួង និងដៃគូអភិវឌ្ឍន៍ ចុះសិក្សាស្វែងយល់ពីខ្សែច្រវាក់ផលិតកម្មពោត នៅសហគមន៍កសិកម្មជីរោទ៍រុងរឿង (ភូមិកំពង់ឫស្សី ឃុំជីរោទ៍ទី១ ស្រុកត្បូងឃ្មុំ)។ អត្ថបទ​ និងរូបភាព​៖​ អារុណ្ណាទី​ / ពិនិត្យ​ កែសម្រួល​៖​ យ៉ាន​ យាត

(ខេត្ត​ត្បូងឃ្មុំ)៖ ថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ ឯកឧត្តម ចេង ប៊ុណ្ណារ៉ា អភិបាលរង នៃគណៈអភិបាលខេត្តត្បូងឃ្មុំ បានដឹកនាំក្រុមការងារ និងមន្ត្រីជំនាញបច្ចេកទេស ចុះត្រួតពិនិត្យ និងវាយតម្លៃសមិទ្ធផលផ្លូវបេតុងអាមេ ចំនួន ២ខ្សែ មុនរៀបចំពិធីប្រគល់-ទទួលសមិទ្ធផល ដែលស្ថិតនៅភូមិចន្ទុ និងភូមិស្វាយទិព្វ ឃុំជីគរ ស្រុកត្បូងឃ្មុំ ខេត្តត្បូងឃ្មុំ។ អត្ថបទ​ និងរូបភាព​៖​ ហេង​ វិច្ឆិកា​ /ពិនិត្យ​ កែសម្រួល​៖​ យ៉ាន​ យាត

មនុស្សរាប់ពាន់នាក់នៅឥណ្ឌូណេស៊ី ត្រូវបានជម្លៀស ខណៈការរញ្ជួយបន្តបន្ទាប់