ព័ត៌មានក្នុងខេត្ត

ឯកឧត្តម ម៉ៅ ឌុង ប្រធានសហភាពសហព័ន្ធយុវជនកម្ពុជាខេត្តត្បូងឃ្មុំ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញដឹកនាំគណៈប្រតិភូសហភាពសហព័ន្ធយុវជនកម្ពុជា ខេត្តត្បូងឃ្មុំ ដាក់កម្រងផ្កា គោរពវិញ្ញាណក្ខន្ធវីរៈយុទ្ធជនស្នេហាជាតិ នៅមហាចេតិយតម្កល់អថិធាតុអតីតយុទ្ធមិត្តរួមអាវុធសាមគ្គីសង្គ្រោះជាតិ ស្ថិតនៅតំបន់ប្រវត្តិសាស្ត្រយោធាតេជោកោះថ្ម X16។

ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ ដឹកនាំប្រតិភូជាថ្នាក់ដឹកនាំ ព្រមទាំងមន្ត្រីរាជការនៃរដ្ឋបាលខេត្ត អញ្ជើញចូលរួមក្នុងកម្មវីធីប្រកួតកីឡាបាល់ទាត់ និងការសម្តែងសិល្បៈរបាំមិត្តភាពកម្ពុជា-វៀតណាម អបអរសាទរ ខួបលើកទី៤៩ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ - ២០ មិថុនា ២០២៦ នៅតំបន់ប្រវត្តិសាស្រ្តយោធាតេជោកោះថ្ម ឃុំទន្លូង ស្រុកមេមត់

ឯកឧត្តម ប៉ែន កុសល្យ រួមជាមួយឯកឧត្តម ឡុង ធាម បានដឹកនាំមន្ត្រីរាជការក្រោមឱវាទ ប្រារព្ធពិធីបុណ្យចម្រើនព្រះជន្មគម្រប់ ៩០យាងចូល៩១ព្រះវស្សា របស់សម្តេចព្រះមហាក្សត្រីនរោត្តម មុនិនាថ សីហនុ ព្រះវររាជមាតាជាតិខ្មែរ។

គណៈកម្មាធិការសហភាពសហព័ន្ធយុវជនកម្ពុជា (ស.ស.យ.ក) ខេត្តត្បូងឃ្មុំ បានរៀបចំកិច្ចប្រជុំផ្សព្វផ្សាយស្តីពី «ផែនទីបង្ហាញផ្លូវ សហភាពសហព័ន្ធយុវជនកម្ពុជា UYFC 2.0 ឆ្ពោះទៅឆ្នាំ២០២៨» ។

ក្រសួងបរិស្ថាន សហការជាមួយ រដ្ឋបាលខេត្ត មន្ទីរបរិស្ថានខេត្តត្បូងឃ្មុំ រដ្ឋបាលស្រុកអូររាំងឪ បានប្រារព្ធ ទិវាបរិស្ថានជាតិ និងបរិស្ថានពិភពលោក ៥ មិថុនា រៀបចំឡើងនៅក្នុងថ្នាលបណ្តុះកូនឈើថ្នាក់តំបន់ខេត្តត្បូងឃ្មុំ ក្នុងឃុំព្រះធាតុ ស្រុកអូររាំងឪ ខេត្តត្បូងឃ្មុំ នាថ្ងៃទី១៦ ខែមិថុនា ឆ្នាំ២០២៦ ដើម្បីបង្កើនចំណេះដឹងអំពីបញ្ហាបរិស្ថាន ក៏ដូចជាជំរុញឱ្យមានការអនុវត្តសកម្មភាពមេត្រីបរិស្ថាន នៅតាមសាលារៀន នៅតាមវត្តអារាមនិងមូលដ្ឋាននានា។

(ខេត្តត្បូងឃ្មុំ)៖ នៅថ្ងៃទី១៦ ខែមិថុនា ឆ្នាំ២០២៦ នេះ នៅអគារតេជោបូព៌ា (អគារ ស.ស.យ.ក) ស្ថិតក្នុងស្រុកត្បូងឃ្មុំ គណៈកម្មាធិការសហភាពសហព័ន្ធយុវជនកម្ពុជា (ស.ស.យ.ក) ខេត្តត្បូងឃ្មុំ បានរៀបចំប្រារព្ធព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល គម្រប់ ៩០ព្រះវស្សា យាងចូល ៩១ព្រះវស្សា ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ៅ ឌុង ប្រធាន ស.ស.យ.ក ខេត្តត្បូងឃ្មុំ ព្រមទាំងមានការអញ្ជើញចូលរួមពីថ្នាក់ដឹកនាំ និងសមាជិក-សមាជិកា យ៉ាងច្រើនកុះករ។

(ខេត្តត្បូងឃ្មុំ) ៖ រសៀលថ្ងៃទី១៥ ខែមិថុនា ឆ្នាំ២០២៦ នេះ រដ្ឋបាលខេត្តត្បូងឃ្មុំ បានរៀបចំពិធីប្រកាសផ្ទេរភារកិច្ច និងចូលកាន់មុខតំណែងអភិបាលរង នៃគណៈអភិបាលខេត្តត្បូងឃ្មុំ ចំនួន ០២រូប ក្រោមអធិបតីភាពដ៏ខ្ពង់ខ្ពស់របស់ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ និងជាតំណាងដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ត្បូងឃ្មុំ៖ រសៀលថ្ងៃទី១៦ ខែមិថុនា ឆ្នាំ២០២៦ លេខាធិការដ្ឋាននៃគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ សហការជាមួយរដ្ឋបាលខេត្តត្បូងឃ្មុំ និងអង្គការការងារអន្តរជាតិ (ILO) បានរៀបចំយុទ្ធនាការផ្សព្វផ្សាយការចុះឈ្មោះអ្នកសេដ្ឋកិច្ចក្រៅប្រព័ន្ធតាមថ្នាលឌីជីថល ក្នុងគោលបំណងជំរុញការយល់ដឹង និងលើកទឹកចិត្តឱ្យបងប្អូនប្រកបមុខរបរ អាជីវកម្ម និងសេវាកម្មក្នុងសេដ្ឋកិច្ចក្រៅប្រព័ន្ធ ចូលរួមចុះឈ្មោះឱ្យបានកាន់តែទូលំទូលាយ ក្រោមអធិបតីភាព ឯកឧត្តម ម៉ាត់ សារី អនុរដ្ឋលេខាធិការនៃក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ និងជាប្រធានលេខាធិការដ្ឋាននៃគណៈកម្មាធិការសម្របសម្រួលអភិវឌ្ឍន៍សេដ្ឋកិច្ចក្រៅប្រព័ន្ធ និងឯកឧត្តម ម៉ាត់ ហ្គោហ្វូត អភិបាលរងខេត្ត តំណាង ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ ស្ថិតនៅសាលប្រជុំ «គ» សាលាខេត្ត ។

ត្បូងឃ្មុំ៖ នាព្រឹកថ្ងៃទី១៥ ខែមិថុនា ឆ្នាំ២០២៦ រដ្ឋបាលខេត្តត្បូងឃ្មុំ បានរៀបចំបើកកិច្ចប្រជុំដ៏សំខាន់មួយ ដើម្បីត្រួតពិនិត្យ និងសិក្សាអំពីស្ថានភាពច្រកទ្វារព្រំដែនដែលមានស្រាប់ នៅក្នុងភូមិសាស្ត្រខេត្តត្បូងឃ្មុំ។ កិច្ចប្រជុំនេះមានគោលបំណងដើម្បីត្រៀមរៀបចំបង្កើត និងដំឡើងកម្រិតច្រកទ្វារព្រំដែនគោក រវាងកម្ពុជា-វៀតណាម ឱ្យកាន់តែមានប្រសិទ្ធភាព និងស្របតាមតម្រូវការជាក់ស្ដែង។

ខេត្តត្បូងឃ្មុំ៖ នាព្រឹកថ្ងៃចន្ទ ទី១៥ ខែមិថុនា ឆ្នាំ២០២៦ ឯកឧត្តម ម៉ៅ ឌុង អភិបាលរងខេត្តត្បូងឃ្មុំ តំណាងឯកឧត្ដម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ រួមជាមួយ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារតាមដាន និងជំរុញការផ្តល់ឯកសារអត្តសញ្ញាណតាមភូមិភាគ (ភូមិភាគ២) បានអញ្ជើញជាអធិបតីក្នុងកិច្ចប្រជុំដ៏សំខាន់មួយ ស្តីពី «ការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរ ដែលទើបវិលត្រឡប់ពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់»។

(ត្បូងឃ្មុំ)៖ នៅរសៀលថ្ងៃទី១៥ ខែមិថុនា ឆ្នាំ២០២៦ ឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ បានអញ្ជើញទទួលកុំព្យូទ័រយួរដៃ (Laptop) ចំនួន ២០គ្រឿង និងម៉ាស៊ីនព្រីនធ័រ (Printer) ចំនួន ២០គ្រឿង ដែលជាអំណោយដ៏ថ្លៃថ្លារបស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីគាំទ្រដល់កិច្ចការរដ្ឋបាលឌីជីថលនៅក្នុងខេត្ត។

ព្រឹកថ្ងៃទី១៥ ខែមិថុនា ឆ្នាំ២០២៦ រដ្ឋបាលខេត្តត្បុងឃ្មុំបានសហការជាមួយមន្ទីរការងារ និងបណ្ដុះបណ្ដាលវិជ្ជាជីវៈខេត្ត និងមជ្ឈមណ្ឌលបណ្តុះបណ្តាលវិជ្ជាជីវៈខេត្តត្បូងឃ្មុំដោយមានវត្តមានតំណាងមន្ទីរ-អង្គភាព ជុំវិញខេត្ត, រដ្ឋបាលស្រុក/ក្រុង, រដ្ឋបាលឃុំ/សង្កាត់, អង្គការ សមាគម, ក្រុមហ៊ុន សហគ្រាស គ្រឹះស្ថាន , វិទ្យាល័យ, អនុវិទ្យាល័យ និងមន្ត្រីរាជការ បុគ្គលិក លោកគ្រូ អ្នកគ្រូ និងសិស្សនៃមជ្ឈមណ្ឌលបណ្តុះបណ្តាលវិជ្ជាជីវៈខេត្តត្បូងឃ្មុំ សរុបប្រមាណ ១ ៣៥០អង្គ/នាក់។