ប៉ៃលិន៖ ដោយអនុវត្តតាមបទបញ្ជាដ៏ម៉ឺងម៉ាត់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តប៉ៃលិន បានសហការជាមួយកម្លាំងជំនាញពាក់ព័ន្ធ បំបែកសំណុំរឿងលួចមានស្ថានទម្ងន់ទោស ដោយប្រើអំពើហិង្សា និងកាំបិត ធាក់ផ្តួលយកម៉ូតូ និងទូរស័ព្ទដៃរបស់ជនរងគ្រោះ នៅភូមិបឹងព្រលិត ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

(ប៉ៃលិន)៖ រសៀលថ្ងៃទី១៦ ខែកញ្ញា ឆ្នាំ២០២៦ មន្ទីរប្រៃសណីយ៍និងទូរគមនាគមន៍ ខេត្តប៉ៃលិន បានរៀបចំសិក្ខាសាលា ស្តីពី “របៀបផ្ទៀងផ្ទាត់ការប្រើប្រាស់ស៊ីមកាតជាមួយនឹងអត្តសញ្ញាណប័ណ្ណ” និង “ការឆបោកតាមប្រព័ន្ធអនឡាញ” និងមានការចូលរួមពីលោកស្រីចៅសង្កាត់បរយ៉ាខា ប៉ុស្តិ៍នគរបាលរដ្ឋបាលសង្កាត់បយ៉ាខា និងក្រុមហ៊ុន metfone ដែលរៀបចំនៅភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន ។ សិក្ខាសាលាខាងលើនេះ មានការចូលរួមពីលោកស្រី ចៅសង្កាត់បរយ៉ាខា,មន្រ្តីរាជការនៃមន្ទីរប្រៃសណីយ៍និងទូរគមនាគមន៍ ខេត្តប៉ៃលិន,មន្ត្រីប៉ុស្តិ៍នគរបាលរដ្ឋបាលសង្កាត់បរយ៉ាខា,បុគ្គលិកក្រុមហ៊ុន metfone និងប្រជាពលរដ្ឋក្នុងភូមិបរហ៊ុយត្បូង និងភូមិបរតាំងស៊ូចំនួន ១៥០ នាក់ ។

ឯកឧត្តម គោស៊ុ ប៊ុនសឿត អភិបាលរងខេត្តប៉ៃលិន តំណាងដ៏ខ្ពង់ខ្ពស់លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអញ្ជើញជាអធិបតីក្នុងកិច្ចប្រជុំ ស្តីពី «ការធ្វើបច្ចុប្បន្នភាពទិន្នន័យសង្គម-សេដ្ឋកិច្ច និងការវិភាគ SWOT របស់ខេត្តប៉ៃលិន» នៅសាលប្រជុំមន្ទីរសេដ្ឋកិច្ច និងហិរញ្ញវត្ថុខេត្តប៉ៃលិន នាព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦។

ប៉ៃលិន៖ នៅថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ លោក ដួង សុកេន អនុប្រធានមន្ទីរពាណិជ្ជកម្មខេត្តប៉ៃលិន បានដឹកនាំមន្រ្តីរាជការក្រោមឱវាទ ចូលរួមកិច្ចប្រជុំប្រចាំសប្តាហ៍ ឆ្នាំ២០២៦ របស់ក្រសួងពាណិជ្ជកម្ម តាមរយៈប្រព័ន្ធវីដេអូពីចម្ងាយ (Zoom) ក្រោមអធិបតីភាព ឯកឧត្តម កឹម ស៊ីថន រដ្ឋលេខាធិការប្រចាំការ នៃក្រសួងពាណិជ្ជកម្ម។ កិច្ចប្រជុំប្រចាំសប្តាហ៍នេះ រៀបចំឡើងក្នុងគោលបំណងត្រួតពិនិត្យ តាមដាន និងវាយតម្លៃលើវឌ្ឍនភាពនៃការអនុវត្តការងារវិស័យពាណិជ្ជកម្ម ដែលថ្នាក់ដឹកនាំ និងមន្ត្រីជំនាញគ្រប់លំដាប់ថ្នាក់សម្រេចបានក្នុងរយៈពេលកន្លងមក។ ជាមួយគ្នានោះ អង្គប្រជុំក៏បានលើកយកនូវបញ្ហាប្រឈម សំណូមពរ និងទិសដៅការងារសំខាន់ៗដែលត្រូវបន្តអនុវត្ត មកពិភាក្សាផ្លាស់ប្តូរយោបល់យ៉ាងផុសផុល ដើម្បីស្វែងរកដំណោះស្រាយសមស្រប សំដៅពង្រឹងប្រសិទ្ធភាពការងារផ្ដល់សេវាសាធារណៈឱ្យកាន់តែប្រសើរ។

ប៉ៃលិន៖ នៅថ្ងៃទី១៦ ខែកញ្ញា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាល នៃអធិការដ្ឋាននគរបាលក្រុងប៉ៃលិន និងស្រុកសាលាក្រៅ បានសហការជាមួយអាជ្ញាធរមូលដ្ឋាន បន្តចុះអប់រំ និងផ្សព្វផ្សាយគោលនយោបាយ «ភូមិ-ឃុំ-សង្កាត់មានសុវត្ថិភាព» ទាំង ៧ចំណុច ជូនដល់ប្រជាពលរដ្ឋដោយផ្ទាល់ ក្នុងភូមិសាស្ត្រគោលដៅចំនួន ៥ភូមិ ដើម្បីពង្រឹងសន្តិសុខ និងសណ្តាប់ធ្នាប់សង្គម។

(ប៉ៃលិន)៖នៅថ្ងៃអង្គារ ៤ កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែកញ្ញា ឆ្នាំ២០២៦ វេលាម៉ោង០៨:៣០នាទី ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកវរសេនីយ៍ទោ មាឃ សារ៉ន អធិការនគរបាលក្រុងប៉ៃលិន បានចាត់ឲ្យ លោកវរសេនីយ៍ត្រី ជា សុត្រា នាយប៉ុស្តិ៍នគរបាលរដ្ឋបាលអូរតាវ៉ៅ ចូលរួមសហការជាមួយលោក ហម ថុល អភិបាលរងក្រុងប៉ៃលិន រដ្ឋបាលសង្កាត់អូរតាវ៉ៅ លោកមេភូមិ និងប្រជាការពារ ចុះផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាពទាំង៧ចំណុច ប្រជាពលរដ្ឋចូលរួមសរុបចំនួន៨៤នាក់,ស្រី៤០នាក់ ស្ថិតនៅភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដែលមានខ្លឹមសារដូចខាងក្រោម៖