ព័ត៌មានតាមបណ្តារខេត្ត

សម្តេចធិបតី លើកឡើង៤ចំណុច ពាក់ព័ន្ធនឹងជំហររបស់កម្ពុជាក្នុងការដោះស្រាយបញ្ហាព្រំដែនកម្ពុជា-ថៃ ជាមួយនាយករដ្ឋមន្ត្រី

សម្តេចកិត្តិសង្គហបណ្ឌិត ម៉ែន សំអន និងលោកជំទាវបណ្ឌិត ពេជ ចន្ទមុន្នី អញ្ជើញបួងសួងសុំសេចក្តីសុខសន្តិភាពជូនជាតិ និងប្រសិទ្ធពរជ័យដល់កងទ័ពជួរមុខ

កម្ពុជា និងអង្គការ SCO វាយតម្លៃខ្ពស់ចំពោះកិច្ចសហប្រតិបត្តិការទ្វេភាកីដ៏ល្អប្រសើរ នាពេលកន្លងមក

កម្ពុជា-សហភាពសេដ្ឋកិច្ចអឺរ៉ុប-អាស៊ី​ (EAEU) ពិនិត្យ​ និង​ពិចារណាលើកិច្ចព្រមព្រៀងពាណិជ្ជកម្មសេរី (FTA)

កម្ពុជា-រុស្ស៊ី ប្តេជ្ញាបន្តពង្រឹង និងពង្រីកកិច្ចសហប្រតិបត្តិការថែមទៀត

មណ្ឌលគិរី ៖ រសៀលថ្ងៃទី១៩ ខែមិថុនា ឆ្នាំ២០២៦ ក្រុមការងារយុវជនសេដ្ឋកិច្ចក្រៅប្រព័ន្ធ ប្រចាំខេត្តមណ្ឌលគិរី សហការជាមួយរដ្ឋបាលស្រុកពេជ្រាដា បានរៀបចំពិធីជួបសំណេះសំណាលជាមួយបងប្អូនអាជីវករ ដើម្បីផ្សព្វផ្សាយ និងជំរុញការចុះឈ្មោះអ្នកសេដ្ឋកិច្ចក្រៅប្រព័ន្ធតាមថ្នាលឌីជីថលនៃសេដ្ឋកិច្ចក្រៅប្រព័ន្ធ ក្រោមវត្តមានលោក សុខហេង សូម៉ាលី អនុប្រធានក្រុមការងារអភិវឌ្ឍន៍សេដ្ឋកិច្ចក្រៅប្រព័ន្ធវិស័យសិប្បកម្ម លក់ដុំលក់រាយ និងជុសជួល តំណាងដ៍ខ្ពង់ខ្ពស់ឧកញ៉ាសមូហកបណ្ឌិត ឡី សុភាព ប្រធានសមាគមសម្ពន្ធភាពអង្គការ សមាគម និងវិស័យឯកជននៅកម្ពុជា និងជាប្រធានសមាគមសហពន័្ធយុវជនសេដ្ឋកិច្ចកម្ពុជា និងលោក អ៊ាន ស៊ាងអន អភិបាលរងនៃគណអភិបាល ស្រុកពេជ្រាដា រួមទាំង មានការចូលរួមពីសំណាក់ថ្នាក់ដឹកនាំកងកម្លាំងទាំងបី មន្ត្រីរាជការនៃរដ្ឋបាលស្រុក និងបងប្អូនអាជីវករជាច្រើននាក់ ដែលប្រព្រឹត្តទៅនៅសាលប្រជុំសាលាស្រុកពេជ្រាដា។

(ខេត្តមណ្ឌលគិរី) ៖ នៅរសៀលថ្ងៃទី១៩ ខែមិថុនា ឆ្នាំ២០២៦ រដ្ឋបាលខេត្តមណ្ឌលគិរី បានរៀបចំ"កិច្ចប្រជុំលើសំណើសុំឯកសារពាក់ព័ន្ធសម្រាប់ធាតុចូលកិច្ចសហប្រតិបត្តិការជាមួយភាគីវៀតណាមសម្រាប់រៀបចំសេចក្ដីព្រាងផែនការមេតភ្ជាប់សេដ្ឋកិច្ច កម្ពុជា-វៀតណាម ឆ្នាំ២០៣០" ក្រោមវត្តមាន លោក ហ៊ាញ ប៊ុណ្ណា អភិបាលរងខេត្តមណ្ឌលគិរី រួមទាំងមានការចូលរួមពី លោក មេបញ្ជាការរងកងកម្លាំង ទាំងបី លោក លោកស្រី តំណាងនាយក-នាយិកា ទីចាត់ការ អង្គភាព ចំណុះរដ្ឋបាលសាលាខេត្ត លោក លោកស្រី អភិបាលរងក្រុង-ស្រុកទាំង៥ លោក លោកស្រីប្រធាន-អនុប្រធានមន្ទីរអង្គភាពជុំវិញខេត្ត លោក ប្រធានទីស្នាក់ការច្រកទ្វេភាគីទាំងបី និងមន្ត្រីជំនាញពាក់ព័ន្ធ កិច្ចប្រជុំនេះប្រព្រឹត្តទៅនៅសាលប្រជុំអគារ គ រដ្ឋបាលសាលាខេត្ត ។

ខេត្តមណ្ឌលគិរី ៖ នារសៀលថ្ងៃទី១៩ ខែមិថុនា ឆ្នាំ២០២៦ គណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដឹកនាំដោយ ឯកឧត្តម ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ ដោយមានការចូលរួមពី លោក កឹង ឈាន អនុប្រធានមន្ទីរអភិវឌ្ឍន៍ជនបទខេត្តមណ្ឌលគិរី រួមទាំងសហការី និងអាជ្ញាធរមូលដ្ឋាន បានអញ្ជើញចុះត្រួតពិនិត្យ និងវាយតម្លៃបញ្ចប់សុពលភាព ១០០% លើគម្រោងជួសជុលថែទាំផ្លូវជាលក្ខណៈខួប និងសាងសង់សំណង់សិល្បការ្យ ស្ថិតនៅក្នុងស្រុកពេជ្រាដា ខេត្តមណ្ឌលគិរី។

បរិយាកាសពេលល្ងាចដ៏ត្រជាក់ភ្នែកនៅប្រាសាទនាគព័ន្ធ ជាពេលវេលាដ៏ល្អសម្រាប់គយគន់ថ្ងៃរៀបលិច ស្រូបយកខ្យល់អាកាសបរិសុទ្ធ និងដើរលំហែកាយអមជាមួយទេសភាពដ៏ស្រស់បំព្រង! សូមស្វាគមន៍ភ្ញៀវទេសចរជាតិ និងអន្តរជាតិ មកកាន់ទឹកដីសៀមរាបអង្គរ នារដូវកាលបៃតងនេះ

បាត់ដំបង៖ ក្រោយមានការបង្ហោះវីដេអូ TikTok ព្រះសង្ឃមួយអង្គគង់នៅវត្តសំរោងលើ ចាក់សាក់លើរាងកាយស្ត្រីម្នាក់ បង្កការរិះគន់ថាខុសពីវិន័យសង្ឃ មន្រ្តីជំនាញ និងអាជ្ញាធរស្រុកគាស់ក្រឡ ខេត្តបាត់ដំបង បានចុះស្រាវជ្រាវភ្លាមៗ និងរកឃើញថាមានករណីនេះពិត។ បន្ថែមពីនេះ ក៏បានរកឃើញថាព្រះសង្ឃអង្គនោះ និងព្រះសង្ឃ ៤ អង្គផ្សេងទៀតមានប្រើប្រាស់សារធាតុញៀនផងដែរ។

សិក្ខាសាលាជំរុញការអនុវត្តគោលនយោបាយបញ្ចប់អេដស៍ និងចីរភាពកម្មវិធីអេដស៍ ២០២៣-២០២៨ និងការសមាហរណកម្មក្នុងផែនការវិនិយោគ ៣ឆ្នាំរំកិល

កាលពីថ្ងៃទី១៨ ខែមិថុនា ឆ្នាំ២០២៦ អាជ្ញាធរក្រុងសំពៅពូន (ខេត្តកណ្តាល) បានចុះបង្ក្រាបទីតាំង Online Scams មួយកន្លែងនៅភូមិជ្រៃធំ ដោយឃាត់ខ្លួនជនជាតិវៀតណាម ២១ នាក់ និងដកហូតកុំព្យូទ័រ និងទូរស័ព្ទសរុប ៦០ គ្រឿង។ ទន្ទឹមនឹងនេះ ឯកឧត្តម គួច ចំរើន អភិបាលខេត្តកណ្តាល បានបញ្ជាឱ្យពង្រឹងការត្រួតពិនិត្យ និងអំពាវនាវឱ្យពលរដ្ឋរាយការណ៍ពីទីតាំងសង្ស័យ ដោយមានរក្សាការសម្ងាត់ និងផ្តល់រង្វាន់លើកទឹកចិត្ត។