ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកណ្តាលមន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពង់ស្ពឺមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តបាត់ដំបងមន្ទីរព័ត៌មានខេត្តប៉ៃលិនមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តព្រះសីហនុមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
អប់រំ និងកីឡា
សាមណៈនិស្សិត និស្សិតឆ្នាំទី៣ នៃសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានចូលរួមកម្មវិធីប្រកួតសវនាការប្រឌិដ្ឋតុលាការយុត្តិធម៌អន្តរជាតិ
បាត់ដំបង៖ បន្ទាប់ពីបានសិក្សាច្បាប់អន្តរជាតិផ្នែកអន្តរជាតិសាធារណៈរួចមក សាមណៈនិស្សិត និស្សិតឆ្នាំទី៣ នៃសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង បានរៀបចំកម្មវិធីប្រកួតសវនាការប្រឌិដ្ឋតុលាការយុត្តិធម៌អន្តរជាតិ ហៅកាត់ថា ICJ ដែលបានប្រព្រឹត្តទៅនាព្រឹកថ្ងៃទី១៧ ខែកញ្ញា ឆ្នាំ២០២៦។ ដោយក្នុងនោះ ប្រធានបទដែលត្រូវយកមកធ្វើការប្រកួតចំនួន៥ រួមមាន ការបកស្រាយសន្ធិសញ្ញា និងសិទ្ធិមនុស្ស វិវាទរវាងសាធារណៈរដ្ឋលីបេរ៉ា និងសហព័ន្ធអ័រមីដា ប្រធានបទការបំពុលឆ្លងដែន និងការទទួលខុសត្រូវ របស់រដ្ឋភាគី វិវាទរវាងព្រះរាជាណាចក្រហ្រ្គីនវ៉ាល់ និងសាធារណៈរដ្ឋឥណ្ឌុស ប្រធានបទជំលោះទឹកដី និងអធិបតេយ្យភាព រវាងសាធារណៈរដ្ឋវ៉ាល់ឌ័រ និងសហព័ន្ធម៉ារីណា ប្រធានបទព្រំដែនសមុទ្រ និងតំបន់សេដ្ឋកិច្ចពិសេស រវាងសាធារណៈរដ្ឋអូស៊ីអា និងព្រះរាជាណាចក្រប៉ាស៊ីហ្វីកា ហើយនិងប្រធានបទ ស្តីពីការប្រើប្រាស់កំលាំង និងការការពារខ្លួន វិវាទរវាងសាធារណៈរដ្ឋនូរា និងសហភាពរាល់ថេរ៉ា។
សកម្មភាពអាជ្ញាធរ
រដ្ឋបាលក្រុងបាត់ដំបងបានបើកដំណើរការសាកល្បង ការញែកសម្រាម និងផ្ដល់ធុងសម្រាម ប្រគល់ជូនប្រជាពលរដ្ឋដែលរស់នៅក្នុងតំបន់អភិរក្ស
បាត់ដំបង៖ រដ្ឋបាលក្រុងបាត់ដំបងបានបើកដំណើរការសាកល្បង ការញែកសម្រាម និងផ្ដល់ធុងសម្រាម ប្រគល់ជូនប្រជាពលរដ្ឋដែលរស់នៅក្នុងតំបន់អភិរក្ស (ខាងត្បូងផ្សារណាត់) ។
សន្តិសុខសង្គម
ក្រោយពេលណែនាំច្រើនសារ ម្ចាស់ទីតាំង HCL Mart រ៉បមាត់ស្ទឹងសង្កែ រុះរើសម្ភារៈចេញពីអាគារដែលមិនមានច្បាប់អនុញ្ញាតិ
បាត់ដំបង៖ ក្រុមចម្រុះរដ្ឋបាលក្រុងបាត់ដំបង បានចុះពិនិត្យ និងពន្លឿនការរុះរើសំណង់ និងសម្ភារៈនានា របស់ម្ចាស់ម៉ាត HCL (ដែលជាក្រុមហ៊ុនតែមួយជាមួយផ្សារហេងឆៃលីដែលឆេះកន្លងមក) ចេញពីទីតាំងដែលមិនមានច្បាប់អនុញ្ញាតិ កាលពីថ្ងៃទី ១៥ ខែកញ្ញា ឆ្នាំ ២០២៦។
សន្ទនាមតិ
ជម្រុញវិស័យទេសចរណ៍ក្នុងរដូវបៃត
ជម្រុញវិស័យទេសចរណ៍ក្នុងរដូវបៃត
ការអភិវឌ្ឍ
មន្ទីរព័ត៌មានខេត្តបាត់ដំបង ចុះពង្រឹងប្រសិទ្ធភាពការងារព័ត៌មាន និងសាធារណមតិនៅរដ្ឋបាលក្រុងបាត់ដំបង
បាត់ដំបង៖ លោក សុវណ្ណ វិទិត្យា ប្រធានមន្ទីរព័ត៌មានខេត្តបាត់ដំបង បានដឹកនាំក្រុមការងារមន្ទីរព័ត៌មានខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២៦ បន្តចុះបេសកកម្មផ្សព្វផ្សាយ តម្រង់ទិស និងពង្រឹងការងារព័ត៌មាន និងសាធារណមតិ ជូនដល់មន្ត្រីពាក់ព័ន្ធនៃរដ្ឋបាលក្រុងបាត់ដំបង ដោយមានការអញ្ជើញចូលរួមពី លោក លាង វាសនា អភិបាលក្រុងបាត់ដំបង និងមន្ត្រីពាក់ព័ន្ធជាច្រើនរូប។
ការអភិវឌ្ឍ
ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកជំទាវ បានឧបត្ថម្ភថវិកាចំនួន ៥,០០០ដុល្លារអាម៉េរិក ជូនសាខាកាកបាទក្រហមកម្ពុជាខេត្តបាត់ដំបង
បាត់ដំបង៖ ឯកឧត្តម ហែម វណ្ណឌី - HEM Vanndy រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុករតនមណ្ឌល និងស្រុកសង្កែ និងលោកជំទាវ បានឧបត្ថម្ភថវិកាចំនួន ៥,០០០ ដុល្លារអាម៉េរិក ជូនសាខាកាកបាទក្រហមកម្ពុជាខេត្តបាត់ដំបង។
សន្ទនាមតិ
នីតិវិធីនៃការសុំច្បាប់សាងសង់ និងកាតព្វកិច្ចការពារចំណីស្ទឹង/ប្រឡាយសាធារណៈ ដើម្បីការអភិវឌ្ឍប្រកបដោយចីរភាព
នីតិវិធីនៃការសុំច្បាប់សាងសង់ និងកាតព្វកិច្ចការពារចំណីស្ទឹង/ប្រឡាយសាធារណៈ ដើម្បីការអភិវឌ្ឍប្រកបដោយចីរភាព
សកម្មភាពអាជ្ញាធរ
ប្រជាពលរដ្ឋរងគ្រោះបំផុតចំនួន២គ្រួសារ នៅឃុំចំនួន២ ទទួលបានអំណោយមនុស្សធម៌ របស់សប្បុរសជនតាមរយៈអនុសាខាកាកបាទក្រហមកម្ពុជាស្រុកមោងឬស្សី
បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅព្រឹកថ្ងៃទី១៥ ខែកញ្ញា ឆ្នាំ២០២៦ លោកទន់ សុផន អភិបាល នៃគណ:អភិបាលស្រុកមោងឬស្សី និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុក និងសហការី បានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជន ផ្តល់ជូនគ្រួសារប្រជាពលរដ្ឋរងគ្រោះបំផុត ចំនួន២គ្រួសារ រួមមាន៖ ប្រជាពលរដ្ឋរងគ្រោះដោយគ្រោះថ្នាក់ចរាចរណ៍ ចំនួន ១នាក់ ស្ថិតនៅភូមិជ្រៃជើង ឃុំជ្រៃ និងកុមារី រងគ្រោះដោយលង់ទឹកចំនួន១នាក់ ស្ថិតនៅភូមិរំចេក ឃុំកកោះ ស្រុកមោងឬស្សី ខេត្តបាត់ដំបង។
សិល្បៈនិងវប្បធម៌
រូបសំណាកសិល្បការិនីជំនាន់ដើមចំនួន៣រូប ត្រូវបានធ្វើពិធីបើកស្បៃ ដាក់បង្ហាញដល់សាធារណៈជន នៅបរិវេណសួនសិល្បៈ ក្នុងការលើកតម្កើងនូវស្នាដៃ និងតម្លៃសិល្បៈខ្មែរកាន់តែលេចធ្លោថែមទៀត សម្រាប់ខេត្តបាត់ដំបង
បាត់ដំបង៖ សិល្បការិនីជំនាន់ដើមចំនួន៣រូប រួមមានរូបសំណាកលោកស្រី រស់ សេរីសុទ្ធា, លោកស្រី ប៉ែន រ៉ន និងលោកស្រី ហួយ មាស ត្រូវបានធ្វើពិធីបើកស្បៃដាក់បង្ហាញដល់សាធារណៈជន នារសៀលថ្ងៃទី១៣ ខែកញ្ញា ឆ្នាំ២០២៦ នៅបរិវេណសួនសិល្បៈ ក្រុងបាត់ដំបង ក្នុងការលើកតម្កើងនូវស្នាដៃ និងតម្លៃសិល្បៈខ្មែរកាន់តែលេចធ្លោថែមទៀត សម្រាប់ខេត្តបាត់ដំបង ដោយមានការអញ្ជើញជាអធិបតីភាព ពីឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងលោក លោកស្រី ប្រធាន អនុប្រធានមន្ទីរនានាក្នុងខេត្ត ព្រមទាំងប្រជាពលរដ្ឋយ៉ាងច្រើនកុះករ។
ការអភិវឌ្ឍ
រដ្ឋបាលខេត្តបាត់ដំបង បានរៀបចំកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្តបាត់ដំបង អាណត្តិទី៤
បាត់ដំបង៖រដ្ឋបាលខេត្តបាត់ដំបង បានរៀបចំកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្តបាត់ដំបង អាណត្តិទី៤ ដែលប្រព្រឹត្តទៅនារសៀលថ្ងៃទី១១ ខែកញ្ញា ឆ្នាំ២០២៦ នៅសាលប្រជុំសាលាខេត្តបាត់ដំបង ក្រោមអធិបតីភាព ឯកឧត្តម អេ សារ៉ុម ប្រធានស្តីទីក្រុមប្រឹក្សាខេត្តបាត់ដំបង និងដោយមានការអញ្ជើញចូលរួមពី លោក ឆាយ ម៉ាទីណាល់ អភិបាលស្តីទីខេត្តបាត់ដំបង ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រីប្រធាន អនុប្រធានមន្ទីរនានាក្នុងខេត្ត ព្រមទាំងលោក លោកស្រីមកពីការិយាល័យជំនាញវិស័យចំណុះឱ្យរដ្ឋបាលខេត្តជាច្រើនរូបទៀត។
សកម្មភាពថ្នាក់ដឹកនាំ
ឯកឧត្តម សុខ លូ អញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តបាត់ដំបង
បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង បានអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តបាត់ដំបងប្រចាំខែសីហា ឆ្នាំ២០២៦ ដែលកិច្ចប្រជុំនេះធ្វើឡើងនៅសាលប្រជុំសាលាខេត្តបាត់ដំបង នៅថ្ងៃទី១១ ខែកញ្ញា ឆ្នាំ២០២៦។
សកម្មភាពអាជ្ញាធរ
ប្រជាពលរដ្ឋរងគ្រោះដោយអគ្គិភ័យចំនួន១គ្រួសារ រស់នៅឃុំតាម៉ឺន ទទួលបានអំណោយមនុស្សធម៌ ពីអនុសាខាកាកបាទក្រហមកម្ពុជាស្រុកថ្មគោល
ខេត្តបាត់ដំបង៖ អនុវត្តតាមអនុសាសន៍ របស់ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងជាប្រធានគណ:កម្មាធិការ សាខាកាកបាទក្រហមកម្ពុជាខេត្ត នៅថ្ងៃទី៩ ខែកញ្ញា ឆ្នាំ២០២៦កន្លងទៅថ្មីៗនេះ ក្រុមការងារអនុសាខាកាកបាទក្រហមកម្ពុជាស្រុកថ្មគោល ដែលមានលោកតេង គឹមស៊ាន ជាប្រធានគណៈកម្មាធិការអនុសាខាបានចាត់ឱ្យក្រុមអនុសាខាកាកបាទក្រហមកម្ពុជាស្រុក ចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជនតាមរយៈអនុសាខាទៅផ្តល់ជូប្រជាពលរដ្ឋ១គ្រួសារ ដែលរងគ្រោះដោយអគ្គិភ័យកាលពីថ្ងៃទី ៧ ខែកញ្ញា ឆ្នាំ២០២៦ នៅវេលាម៉ោង ២៣.០០នាទី ស្ថិតនៅភូមិតាពូងជើង ឃុំតាម៉ឺន ស្រុកថ្មគោល ខេត្តបាត់ដំបង។
សកម្មភាពអាជ្ញាធរ
ប្រជាពលរដ្ឋងាយរងគ្រោះបំផុត សរុបចំនួន១៣គ្រួសារ នៅឃុំចំនួន២ទទួលបានអំណោយមនុស្សធម៌របស់សប្បុរសជនតាមរយៈ អនុសាខាកាកបាទក្រហមកម្ពុជា ស្រុកមោងប្ញស្សី
បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅព្រឹកថ្ងៃទី៩ ខែកញ្ញា ឆ្នាំ២០២៦ លោកឡុង សុភឺន ប្រធានស្តីទីគណៈកម្មាធិការអនុសាខាកាកបាទក្រហមកម្ពុជា ស្រុកមោងប្ញស្សី និងសហការី បានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជន ផ្តល់ជូនគ្រួសារប្រជាពលរដ្ឋងាយរងគ្រោះបំផុត ( ចាស់ជរា ជំងឺរ៉ាំរ៉ៃ ជនមានពិការភាព ស្រ្តីមេម៉ាយកូនច្រើន គ្រួសារទីទាល់ក្រ)ដែលកំពុងជួបការលំបាក ក្នុងជីវភាពរស់នៅប្រចាំថ្ងៃ ចំនួន ១៣គ្រួសារ មកពីភូមិចំនួន៦ក្នុង ឃុំមោង និងឃុំគារ ស្រុកមោងប្ញស្សី ខេត្តបាត់ដំបង។