ព័ត៌មានតាមបណ្តារខេត្ត

ក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦ នៅមន្ទីរសាធារណៈការ និងដឹកជញ្ជូនខេត្តប៉ៃលិន លោកឧត្តមសេនីយ៍ត្រី គិត ធីរ៉ា ស្នងការរងទទួលផែនចរាចរណ៍ នៃស្នងការដ្ឋាននគរបាលខេត្តប៉ៃលិន បានមានប្រសាសន៍លើកឡើងថា៖ ក្នុងករណីគ្រោះថ្នាក់ចរាចរណ៍ ចំនួន ១០ករណី គឺមានចំនួន ៨ករណី ជនបង្ករបានប្រើប្រាស់យានជំនិះ ដោយខ្ចីគេ មិនមែនជារបស់ខ្លូនឡើយ។

(កំពង់ចាម) ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំកិច្ចប្រជុំបន្ទាន់មួយ ដើម្បីពិនិត្យ ពិភាក្សា និងស្វែងរកដំណោះស្រាយលើករណីដីធ្លី និងការអាស្រ័យផលរបស់ប្រជាពលរដ្ឋចំនួន ៥ករណី ស្ថិតក្នុងភូមិសាស្ត្រស្រុកស្រីសន្ធរ។

ប៉ៃលិន៖ ក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦ លោក ដួង អ៊ីម ប្រធានមន្ទីរឧស្សាហកម្ម សិប្បកម្ម និង នវានុវត្តខេត្តប៉ៃលិន បានស្នើអោយមានការផ្សព្វផ្សាយច្បាប់ចរាចរណ៍នៅតាមបណ្តាទីលានហាលសំងួតកសិផលនានានៅទូទាំងខេត្តប៉ៃលិន។ ការស្នើឡើងនេះ ដោយសារនៅតាមទីលាន ហាលសំងួតកសិផលនីមួយៗ មានរថយន្តដឹកធំៗជាច្រើន ដែលងាយនឹងបង្ករគ្រោះថ្នាក់ចរាចរណ៍ធ្ងន់ធ្ងរ បើសិនជាមានការធ្វេសប្រហេសពីអ្នកបើកបរ។

(កំពង់ចាម) ថ្នាក់ដឹកនាំខេត្តកំពង់ចាម រួមជាមួយតំណាងក្រសួងកសិកម្ម បានបើកកិច្ចប្រជុំ ដើម្បីពិភាក្សា និងស្វែងរកដំណោះស្រាយជុំវិញករណីទំនាស់ដីធ្លី ដែលមានការប្តឹងជំទាស់ទប់ស្កាត់ការចេញវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ជូនប្រជាពលរដ្ឋនៅក្នុងឃុំចំនួន៣ នៅស្រុកចំការលើ។

វេទិកានេះរៀបចំឡើងក្នុងគោលបំណងផ្សព្វផ្សាយច្បាប់ ពង្រឹងការយល់ដឹងអំពីហានិភ័យនៃអំពើជួញដូរមនុស្ស និងការកេងប្រវ័ញ្ចគ្រប់ទម្រង់ ជំរុញការប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព ព្រមទាំងលើកកម្ពស់ការចំណាកស្រុកដោយស្របច្បាប់ និងមានសុវត្ថិភាព ដើម្បីការពារសិទ្ធិ សេរីភាព និងសេចក្តីថ្លៃថ្នូររបស់ប្រជាពលរដ្ឋ ជាពិសេសស្ត្រី និងកុមារ។

ព្រឹកថ្ងៃទី១០ ខែកក្កដា ឆ្នាំ២០២៦ លោក គួច ចំរើន អភិបាលខេត្តកណ្តាល រួមជាមួយមន្ទីរជំនាញ និងអាជ្ញាធរស្រុកខ្សាច់កណ្ដាល បានចុះពិនិត្យទីតាំងដើម្បីត្រៀមរៀបចំពិធីចែកបណ្ណសម្គាល់ម្ចាស់កម្មសិទ្ធិអចលនវត្ថុ (បណ្ណដីធ្លី) ជូនប្រជាពលរដ្ឋ។ ពិធីនេះនឹងត្រូវធ្វើឡើងនៅក្នុងបរិវេណវិទ្យាល័យចំណេះទូទៅ និងបច្ចេកទេស សម្ដេចតេជោ ហ៊ុន សែន រ៉ូតា ខ្សាច់កណ្ដាល ស្ថិតនៅភូមិសន្លុង ឃុំសន្លុង ស្រុកខ្សាច់កណ្ដាល។

អភិបាលខេត្តកណ្តាល បានដឹកនាំមន្ត្រីជំនាញ និងអាជ្ញាធរស្រុកល្វាឯម ចុះពិនិត្យទីតាំងដីបម្រុងទុកសម្រាប់សាងសង់មន្ទីរពេទ្យបង្អែកស្រុក អធិការដ្ឋាននគរបាល និងបញ្ជាការដ្ឋានកងរាជអាវុធហត្ថស្រុក ស្ថិតក្នុងឃុំថ្មគរ និងឃុំទឹកឃ្លាំង។ បន្ទាប់មក គណៈប្រតិភូខេត្តបានបន្តទៅពិនិត្យគម្រោងសាងសង់ផ្លូវប្រវែងប្រមាណ ២២គីឡូម៉ែត្រ ស្របតាមបណ្តោយដងទន្លេតូច ភ្ជាប់ពីភូមិព្រែកប្រា ទៅភូមិពាមស្តី ក្នុងឃុំព្រែកឬស្សី ស្រុកល្វាឯម។

លោក សោ សុវណ្ណ អភិបាលរងខេត្តប៉ៃលិន និងជាអនុប្រធានអនុគណៈកម្មការសុវត្ថិភាពចរាចរណ៍ខេត្តប៉ៃលិន បានមានប្រសាសន៍ថា កត្តាមនុស្ស មានភាគរយខ្ពស់ ក្នុងចំណោមកត្តាពីរផ្សេងទៀត ( កត្តាផ្លូវថ្នល់ និងកត្តាយានយន្ត ) ដែលបង្ករអោយមានគ្រោះថ្នាក់ចរាចរណ៍។ លោក សោ សុវណ្ណ បានមានប្រសាសន៍ដូច្នេះ នៅក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦។

ប៉ៃលិន៖ មានប្រសាសន៍នៅក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦ នៅមន្ទីរសាធារណៈការ និងដឹកជញ្ជូនខេត្តប៉ៃលិន លោក គង់ ជឺ អនុប្រធានមន្ទីរព័ត៌មានខេត្តប៉ៃលិន បានស្នើអោយមានការសហការផ្សព្វផ្សាយច្បាប់ចរាចរណ៍អោយបានកាន់តែទូលំទូលាយ នៅតាមវិទ្យុ ទូរទស្សន៍ និងបណ្តាញសង្គម ដែលជាយន្តការរបស់រដ្ឋ ក្នុងការបញ្រ្ជាបការយល់ដឹង និងចូលលរួមអនុវត្តច្បាប់ចរាចរណ៍អោយបានម៉ឺងម៉ាត់ ដើម្បីកាត់បន្ថយគ្រោះថ្នាក់ចរាចរណ៍នៅតាមដងផ្លូវ។

កូនត្រីចម្រុះ២០ម៉ឺនក្បាល និងកូនបង្កង៣ម៉ឺនក្បាលត្រូវបានធ្វើពិធីលែង ក្នុងអាងទឹកឈ្វាំង ស្ថិតក្នុងស្រុករលាប្អៀរ

ឯកឧត្តម ទេព អស្នារិទ្ធ៖ បណ្តាញសង្គម Facebook និង TikTok មិនមែនជាប្រភេទប្រព័ន្ធផ្សព្វផ្សាយផ្លូវការ នៅកម្ពុជាឡើយ

មន្ត្រីរដ្ឋលេខាធិការដ្ឋានកិច្ចការព្រំដែន៖ ប្រាសាទតាមាន់ធំស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០ និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L7017 មាត្រដ្ឋាន ១/៥០ ០០០ ដែលថៃគូសដោយឯកតោភាគី