ព័ត៌មានតាមបណ្តារខេត្ត

ប៉ៃលិន៖ នៅព្រឹកថ្ងៃទី១៤ ខែកញ្ញា ឆ្នាំ២០២៦ រដ្ឋបាលក្រុងប៉ៃលិន សហការជាមួយរដ្ឋបាលសង្កាត់ទួលល្វា និងកម្លាំងប៉ុស្តិ៍នគរបាលរដ្ឋបាល បានចុះយុទ្ធនាការអប់រំផ្សព្វផ្សាយច្បាប់ និងគោលនយោបាយសំខាន់ៗជូនប្រជាពលរដ្ឋភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន ក្រោមការដឹកនាំដោយលោក ឃឹម ប៉េងចុង អភិបាលរងក្រុងប៉ៃលិន។ ពិធីនេះមានការចូលរួមពីសំណាក់លោកមេភូមិ អនុភូមិ សមាជិកភូមិ និងបងប្អូនប្រជាពលរដ្ឋសរុបចំនួន ៥៦នាក់ (ស្ត្រី ២៩នាក់)។

មានចំណុចមួយនៅក្នុងការបកស្រាយរបស់ប្រធាន JIC ត្រូវបានសារព័ត៌មានថៃ Thaiger បានផ្សព្វផ្សាយនៅថ្ងៃទី១៣ ខែកញ្ញានេះ ដែលគួរឱ្យកត់សម្គាល់ និងមានសារៈសំខាន់ខ្លាំងចំពោះការយល់ដឹងអំពីបទឈប់បាញ់ និងបញ្ហាព្រំដែនកម្ពុជា–ថៃ។ លោកបានសង្កត់ធ្ងន់ថា «កិច្ចព្រមព្រៀងបានបញ្ជាក់ថា ទីតាំងឈរជើងរបស់កងទ័ព មិនត្រូវមានឥទ្ធិពលលើការវាស់វែង ឬការកំណត់ខណ្ឌសីមាព្រំដែនអន្តរជាតិឡើយ ហើយការងារកំណត់ព្រំដែនត្រូវបន្តតាមរយៈយន្តការ JBC»។ កាន់តែសំខាន់ លោកបានពន្យល់ថា «បទឈប់បាញ់បញ្ចប់ការប្រយុទ្ធ ប៉ុន្តែមិនបង្កើតព្រំដែនថ្មីទេ ហើយខ្សែដែលកងទ័ពកំពុងឈរជើង មិនត្រូវចាត់ទុកជាខ្សែព្រំដែនថ្មីឡើយ»។

ដោយអនុវត្តតាមការណែនាំដ៏ខ្ពង់ខ្ពស់របស់ ឯកឧត្តម​រដ្ឋមន្រ្តី​ក្រសួងធនធានទឹក និងឧតុនិយម និងលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ចាប់ពីថ្ងៃទី០៩ ដល់ថ្ងៃទី១៣ ខែកញ្ញា ឆ្នាំ២០២៦ លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន បានដឹកនាំមន្ត្រីជំនាញ កាយសម្រួលផ្លូវទឹក្នុងស្ទឹងប៉ៃលិន និងលើកទំនប់ការពារទឹកហូរច្រោះបាក់ច្រាំងស្ទឹង នៅពេលដែលមានជំនន់ទឹកភ្លៀងកើតឡើងតាមដងស្ទឹង ដែលបានបណ្តាលឱ្យប៉ះពាល់ខូចខាតដល់លំនៅដ្ឋានប្រជាពលរដ្ឋ ១៥គ្រួសារ ស្ថិតក្នុងភូមិបរតាំងស៊ូ សង្កាត់បយ៉ាខា ក្រុងប៉ៃលិន ខេត្តប៉ៃលិន។

ប៉ៃលិន៖ នៅយប់ថ្ងៃទី១៣ ខែកញ្ញា ឆ្នាំ២០២៦ កម្លាំងវេនប្រចាំបញ្ជានៃអធិការដ្ឋាននគរបាលក្រុងប៉ៃលិន និងស្រុកសាលាក្រៅ ខេត្តប៉ៃលិន បានសហការជាមួយកម្លាំងប៉ុស្តិ៍នគរបាលរដ្ឋបាល ចុះប្រតិបត្តិការល្បាត ឈរជើង និងត្រួតពិនិត្យតាមបណ្តាគោលដៅសំខាន់ៗក្នុងភូមិសាស្ត្រខេត្តប៉ៃលិន ដើម្បីពង្រឹងសន្តិសុខ សុវត្ថិភាពសង្គម និងទប់ស្កាត់បទល្មើសគ្រប់ប្រភេទជូនប្រជាពលរដ្ឋ។

ប៉ៃលិន៖ នៅព្រឹកថ្ងៃទី១២ ខែកញ្ញា ឆ្នាំ២០២៦ រដ្ឋបាលសង្កាត់ទួលល្វា បានសហការជាមួយរដ្ឋបាលក្រុងប៉ៃលិន និងកម្លាំងប៉ុស្តិ៍នគរបាលរដ្ឋបាលសង្កាត់ រួមទាំងអាជ្ញាធរភូមិ ចុះផ្សព្វផ្សាយផ្ទាល់ដល់ប្រជាពលរដ្ឋនៅក្នុងភូមិវាលវង់ សង្កាត់ទួលល្វា ក្រុងប៉ៃលិន ខេត្តប៉ៃលិន ដើម្បីលើកកម្ពស់ការយល់ដឹងអំពីសុវត្ថិភាពសង្គម និងការថែទាំសុខភាព។ ពិធីនេះមានការចូលរួមពីប្រជាពលរដ្ឋសរុបចំនួន ៦០នាក់ (ស្រី ៣៥នាក់)។

ប៉ៃលិន៖ នៅព្រឹកថ្ងៃទី១៣ ខែកញ្ញា ឆ្នាំ២០២៦ រដ្ឋបាលសង្កាត់ទួលល្វា បានសហការជាមួយរដ្ឋបាលក្រុងប៉ៃលិន ប៉ុស្តិ៍នគរបាលរដ្ឋបាលសង្កាត់ និងអាជ្ញាធរភូមិ ចុះផ្សព្វផ្សាយផ្ទាល់ដល់ប្រជាពលរដ្ឋក្នុងភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន។ ពិធីនេះដឹកនាំដោយលោក ឃឹម ប៉េងចុង អភិបាលរង នៃគណៈអភិបាលក្រុងប៉ៃលិន ដោយមានប្រជាពលរដ្ឋចូលរួមសរុបចំនួន ៧៨នាក់ (ស្រី ៤២នាក់) ក្នុងគោលបំណងពង្រឹងការយល់ដឹងអំពីច្បាប់ សុវត្ថិភាពសង្គម និងការថែទាំសុខភាព។

📣ចំណាប់អារម្មណ៍ សិល្បករ សិល្បការិនី ដែលបានអញ្ជើញចូលរួមក្នុងមហាព្រឹត្តិការណ៍ពិព័រណ៍ជាតិការងារ និងផលិតភាពការងារ ថ្ងៃទី១។ 👉ការងារជាង ៣៥ ០០០កន្លែង និងក្រុមហ៊ុនធំៗ ចំនួន១៥០ កំពុងរង់ចាំទទួល CV យុវជន និងអ្នកកំពុងស្វែងរកាងារធ្វើដាក់ពាក្យភ្លាម! សម្ភាសភ្លាម! ឥឡូវនេះរហូតដល់ម៉ោង ៨:០០នាទីយប់ នៅមណ្ឌលសន្និបាត និងពិព័រណ៍កោះពេជ្រ។

ប៉ៃលិន៖ ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តប៉ៃលិន បានបន្តចុះអនុវត្តការងារថែទាំខួប និងការងារថែទាំប្រចាំលើបណ្តាញផ្លូវជាតិ និងផ្លូវខេត្តសំខាន់ៗជាច្រើនខ្សែ នាថ្ងៃទី១១ ខែកញ្ញា ឆ្នាំ២០២៦ ដើម្បីជួសជុលកែលម្អគុណភាពផ្លូវ សម្រួលដល់ការធ្វើដំណើរ និងការដឹកជញ្ជូនកសិផលរបស់ប្រជាពលរដ្ឋឱ្យកាន់តែរលូន និងមានសុវត្ថិភាពខ្ពស់។

ប៉ៃលិន៖ កម្លាំងជំនាញការិយាល័យនគរបាលចរាចរណ៍ផ្លូវគោក សហការជាមួយប៉ុស្តិ៍នគរបាលរដ្ឋបាលប៉ៃលិន រដ្ឋបាលក្រុង និងអាជ្ញាធរមូលដ្ឋាន បានចុះផ្សព្វផ្សាយគោលនយោបាយ «ភូមិ-ឃុំ-សង្កាត់មានសុវត្ថិភាព» ទាំង ៧ចំណុច ជូនដល់ប្រជាពលរដ្ឋចំនួន ១៨៧នាក់ (ស្រី ១០៥នាក់) កាលពីវេលាម៉ោង ៨:៣០នាទីព្រឹក ថ្ងៃទី១២ ខែកញ្ញា ឆ្នាំ២០២៦ នៅចំណុចវត្តកោងកាង ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។

NPIC និងគ្រឹះស្ថាន TVET កំពុងខិតខំបណ្ដុះបណ្ដាលសិស្ស-និស្សិតរៀនឱ្យចេះ ឱ្យចប់ និងឱ្យមានការងារធ្វើ ប្រកបដោយភាពស្ទាត់ជំនាញ ភ្ជាប់ជាមួយជំនាញទន់ជាចាំបាច់

នាព្រឹកថ្ងៃទី១២ ខែកញ្ញា ឆ្នាំ២០២៦ នេះ រដ្ឋបាលសង្កាត់ប៉ៃលិន បានរៀបចំកិច្ចប្រជុំផ្សព្វផ្សាយសារសំខាន់ៗអំពីច្បាប់ សេវារដ្ឋបាល និងការងារសុវត្ថិភាពសង្គម ជូនដល់ប្រជាពលរដ្ឋក្នុងមូលដ្ឋានមកពីភូមិវត្ត ភូមិអូរតាប្រាង ភូមិបឌិននៀវ និងភូមិទួលខៀវ។ កិច្ចប្រជុំនេះបានប្រព្រឹត្តទៅនៅក្នុងបរិវេណវត្តកោងកាង ក្រោមអធិបតីភាព លោក លឹម វណ្ណា អភិបាលរងក្រុងប៉ៃលិន និងលោក នីម អឿន ចៅសង្កាត់ប៉ៃលិន។ ពិធីនេះក៏មានការអញ្ជើញចូលរួមពីតំណាងស្នងការដ្ឋាននគរបាលខេត្តប៉ៃលិន អធិការដ្ឋាននគរបាលក្រុង សមាជិកក្រុមប្រឹក្សាសង្កាត់ អាជ្ញាធរភូមិ-ឃុំ កងកម្លាំងប្រជាការពារភូមិ ក្រុមយុវជន ស.ស.យ.ក. និងប្រជាពលរដ្ឋក្នុងមូលដ្ឋាន សរុបប្រមាណ ២១០ នាក់។

ការចោទប្រកាន់របស់ភាគីថៃថា កម្ពុជាប្រើប្រាសាទព្រះវិហារជាទីតាំងយោធា មិនអាចយកមកធ្វើជាចម្លើយសម្រាប់ដោះសារលើការខូចខាតយ៉ាងធ្ងន់ធ្ងរដែលយោធាខ្លួនបានបាញ់បំផ្លាញប្រាសាទព្រះវិហារ ដែលជាបេតិកភណ្ឌពិភពលោកនេះ ក្នុងអំឡុងសកម្មភាពឈ្លានពានប្រដាប់អាវុធរបស់យោធាថៃមកលើទឹកដីកម្ពុជាបានទេ។ កម្ពុជាបានបដិសេធនិងទាត់ចោលការអះអាងដែលគ្នានមូលដ្ឋាន និងពោរពេញដោយការប្រឌិត ដែលយករូបភាព ឬវីដេអូដែលមិនទាន់មានការផ្ទៀងផ្ទាត់ឯករាជ្យអំពីទីតាំង ពេលវេលា និងបរិបទ មកសន្និដ្ឋានថា ទីតាំងដែលថៃបានវាយប្រហារនីមួយៗ គឺជាគោលដៅយោធា។ ការឃើញអាវុធនៅក្នុងរូបភាពណាមួយ និងការបញ្ជាក់ថាទីតាំងដែលត្រូវបានបាញ់នៅពេលជាក់លាក់មួយជាគោលដៅយោធា គឺជារឿងពីរផ្សេងគ្នា។ បើថៃប្រាកដថាខ្លួនបានបាញ់តែ «គោលដៅយោធា» សូមបង្ហាញភស្តុតាងដែលអាចផ្ទៀងផ្ទាត់បាន។ សំណួរទាំងនេះមិនអាចត្រូវបានបិទបញ្ចប់ដោយវីដេអូខ្លីមួយឡើយ ជាពិសេសនៅពេលការខូចខាតដ៏ធ្ងន់ធ្ងរនៃប្រាសាទព្រះវិហារត្រូវបានកត់ត្រា និងពិនិត្យនៅទីតាំងដោយបេសកកម្មរួមរបស់មជ្ឈមណ្ឌលបេតិកភណ្ឌពិភពលោក UNESCO និង ICOMOS។ របាយការណ៍បេសកកម្មនេះត្រូវបាន UNESCO ផ្សព្វផ្សាយជាផ្លូវការ ហើយបានកត់ត្រាផលប៉ះពាល់ធ្ងន់ធ្ងរលើភាពពេញលេញ។