ព័ត៌មានតាមបណ្តារខេត្ត

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅព្រឹកថ្ងៃទី១៧ ខែសីហា ឆ្នាំ២០២៦ នេះ បានដឹកនាំកិច្ចប្រជុំពិនិត្យ និងពិភាក្សាលើសំណើរសុំវិនិយោគ គម្រោងកសិដ្ឋានចិញ្ចឹមត្រី "រិទ្ធីមានជ័យ" ដែលមានទីតាំងស្ថិតនៅក្នុងឃុំព្រែករំដេង ស្រុកស្រីសន្ធរ។ កិច្ចប្រជុំនេះបានប្រព្រឹត្តទៅនៅសាលាខេត្តកំពង់ចាម ដោយមានការចូលរួមពីអាជ្ញាធរ និងមន្ទីរ-អង្គភាពជំនាញពាក់ព័ន្ធ ស្របតាមនីតិវិធីនៃច្បាប់ស្តីពីការវិនិយោគនៃព្រះរាជាណាចក្រកម្ពុជា និងអនុក្រឹត្យពាក់ព័ន្ធ។

នៅថ្ងៃទី ១៧ ខែសីហា ឆ្នាំ ២០២៦ នេះ កម្លាំងការិយាល័យនគរបាលសណ្តាប់ធ្នាប់ របស់ស្នងការដ្ឋាននគរបាលខេត្តកំពង់ចាម បានសហការជាមួយអាជ្ញាធរក្រុងកំពង់ចាម បន្តចុះរៀបចំសណ្ដាប់ធ្នាប់ និងផ្សព្វផ្សាយ ដល់អាជីវករលក់ដូរ នៅគោលដៅផ្សារបឹងកុក ក្នុងក្រុងកំពង់ចាម ។

កំពង់ចាម៖ ទោះបីស្ថានភាពទឹកទន្លេមេគង្គក្នុងឆ្នាំ២០២៦នេះឡើងតូច ឫឡើងធំគឺប្រជាពលរដ្ឋមួយចំនួនដែលរស់នៅតាមដងទន្លេមេគង្គខេត្តកំពង់ចាមបានត្រៀមលក្ខណៈរួចរាល់ក្នុងការជួលជុលទូក សម្រាប់ធ្វើដំណើរជារៀងរាល់ឆ្នាំនៅក្នុងរដូវទឹកតំឡើង។ ជាក់ស្តែងប្រជាពលរដ្ឋរស់នៅតាមដងទន្លេបានលើកឡើងថាទូកគឺជាមធ្យោបាយមួយដ៏ល្អសម្រាប់ទុកធ្វើដំណើរជាលក្ខណៈគ្រួសារ និងមានភាពងាយស្រួលនៅពេលចាំបាច់ណាមួយក្នុងការដឹកជញ្ចូន ជាពិសេសនៅពេលដែលមានសាច់ញាត្តិ ឫ អ្នកជិតខាងត្រូវការទូកសម្រាប់ដឹកជញ្ចូនបន្តទៅរកមន្ទីរពេទ្យ។

ក្រសួងធនធានទឹក និងឧតុនិយម ជូនដំណឹងពីស្ថានភាពធាតុអាកាសនៅកម្ពុជា ចាប់ពីថ្ងៃទី១៧ ដល់ថ្ងៃទី១៩ ខែសីហា ឆ្នាំ២០២៦

(កំពង់ចាម) នាព្រឹកថ្ងៃទី១៦ ខែសីហា ឆ្នាំ២០២៦ ឯកឧត្តម ខែក សំអុន ទីប្រឹក្សាជាន់ខ្ពស់រដ្ឋសភា និងលោកជំទាវ សុី វណ្ណថា ទីប្រឹក្សាសម្ដេចតេជោ ហ៊ុន សែន ព្រមទាំងក្រុមញាតិព្រះធម៌ និងពុទ្ធបរិស័ទជិតឆ្ងាយ បានរួមសាមគ្គីគ្នាប្រកបដោយទឹកចិត្តជ្រះថ្លា ក្នុងពិធីប្រគេនភត្តាហារ (ចង្ហាន់) និងទេយ្យវត្ថុ ដល់ព្រះសង្ឃចំនួន ១២៦អង្គ ដែលកំពុងគង់ចាំវស្សាអស់ត្រីមាស នៅក្នុងវត្តខេមវ័ន (ហៅវត្តបឹងស្នាយ) ស្ថិតក្នុងក្រុងកំពង់ចាម ខេត្តកំពង់ចាម។

កំពង់ចាម៖ ទីតាំងមួយចំនួនដែលស្ថិតនៅតាមបណ្តោយដងទន្លេមេគង្គក្នុងភូមិសាស្ត្រស្រុកមួយចំនួនក្នុងខេត្តកំពង់ចាម ត្រូវបានជន់លិចនិងប្រែក្លាយជាកំពង់ចម្លង សម្រាប់ដឹកអ្នកដំណើរទូទៅតាមរយៈសាឡាង ឫទូកដ។ ជាក់ស្តែងនៅក្នុងភូមិសាស្ត្រឃុំកោះសូទិន ស្រុកកោះសូទិន ជាប់ជាមួយឃុំកោះមិត្ត ស្រុកកំពង់សៀម គឺនៅមួយផ្នែកខ្លះបានជន់លិចផ្លូវបេតុងដោយមិនអាចធ្វើដំណើរតាមផ្លូវគោកដូចមុន ដោយត្រូវឆ្លងកាត់តាមរយៈទូកដ ឫសាឡាងវិញ ដោយត្រូវចំណាយថវិកាខ្លះសម្រាប់ការធ្វើដំណើរនេះ។

កំពង់ចាម៖ ប្រជាពលរដ្ឋដែលធ្លាប់ធ្វើដំណើរតាមផ្លូវគោក បានត្រឡប់មកធ្វើដំណើរតាមផ្លូវទឹកវិញតាមរយៈការប្រើប្រាស់ទូកដ ឫសាឡាង ខណៈដែលទឹកទន្លេមេគង្គខេត្តកំពង់ចាមបានបន្តហក់ឡើង។ បើយតាមលោកស្រី ស៊ុន ចន្ថា មេឃុំកោះសូទិន បានបញ្ជាក់ថាក្នុងភូមិសាស្ត្រឃុំមានទីតាំងមួយចំនួនបានជន់លិច រួមមានចំណុចផ្លូវបេតុងភូមិ៩ ភូមិ១២ ព្រែកតាឃ្លោក កោះថ្មី និងផ្លូវសម្តេចសាយឈុំ។

កំពង់ចាម៖ លោក ឡោ ចាន់លី អភិបាលរងខេត្តកំពង់ចាម តំណាងឱ្យ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញជាអធិបតីក្នុងពិធីបើកសម្ពោធ «យុទ្ធនាការផលិតផលជាតិ» នៅក្រុងកំពង់ចាម ត្រូវបានរៀបចំឡើងក្នុងគោលបំណងជំរុញ និងលើកកម្ពស់ការផលិតផលិតផលក្នុងស្រុក ព្រមទាំងផ្សព្វផ្សាយឱ្យប្រជាពលរដ្ឋ និងអ្នកប្រើប្រាស់ទូទៅ កាន់តែស្គាល់ គាំទ្រ និងនិយមប្រើប្រាស់ផលិតផលដែលផលិតដោយសិប្បករ និងផលិតករខ្មែរ។

(កំពងចាម)៖ លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម និង ឯកឧត្តម ឡោ ចាន់លី អភិបាលរងខេតកំពង់ចាម នាព្រឹកថ្ងៃទី១៥ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីសម្ពោធ “យុទ្ធនាការផលិតផលជាតិ (MadeInCambodia) នៅមុខមន្ទីរពាណិជ្ជកម្មខេត្តកំពង់ចាម ដែលពិធីនេះមានការចូលរួមពី មន្ទីរពាណិជ្ជកម្មខេត្ត លោក/លោកស្រី តំណាងមន្ទីរអង្គភាពពាក់ព័ន្ធ សិប្បករ-ផលិតករក្នុងស្រុក តំណាងមកពីវិស័យឯកជនជាច្រើនរូបផងដែរ។

(កំពង់ចាម)៖ យុវជន និងប្រជាពលរដ្ឋចំនួន ៦០៥នាក់ មកពីសង្កាត់ទាំង៤ ក្នុងក្រុងកំពង់ចាម បានសម្រេចចិត្តស្ម័គ្រចិត្តចូលរួមរស់ជីវភាពនយោបាយជាមួយគណបក្សប្រជាជនកម្ពុជា ដោយពិធីប្រកាសបញ្ចូលជាសមាជិកថ្មីនេះ បានរៀបចំឡើងយ៉ាងអធិកអធម នាព្រឹកថ្ងៃទី១៥ ខែសីហា ឆ្នាំ២០២៦ នៅស្នាក់ការគណបក្សប្រជាជនកម្ពុជា ស្រុកកំពង់សៀម។

នៅព្រឹកថ្ងៃទី១៥ ខែសីហា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ចាម បានចាត់លោកស្រី ប៉ាង ដានី អភិបាលរងខេត្ត ជាអនុប្រធានអចិន្ត្រែយ៍សាខា និងជាប្រធានក្រុមការងារឥស្សរជនឆ្នើមថ្នាក់ជាតិថ្នាក់សាខា អមដំណើរដោយឯកឧត្តម នាយកសាខា រួមជាមួយសហការី បាន អញ្ជើញចុះសួរសុខទុក្ខអ្នកស្រី ធី ចាន់នឿន អាយុ ៣៣ឆ្នាំ សព្វថ្ងៃស្នាក់នៅជាមួយម្តាយបង្កើត នាភូមិទន្លេបិទ ឃុំជីរោទ៍ទី១ ស្រុកត្បូងឃ្មុំ ជាភរិយានាយទាហានជួរមុខឈរជើងប្រចាំ ទិសប្រាសាទព្រះវិហារ ដែលឆ្លងទន្លេដោយសុវត្ថិភាពបានកូនប្រុស១នាក់ ជាកូនទី៣ ទម្ងន់ ២,៨ គក្រ នៅមន្ទីរ ពេទ្យបង្អែកខេត្តកំពង់ចាម ដែលសេវាព្យាបាល និងសម្រាល ជាបន្ទុកមន្ទីរពេទ្យ ទាំងស្រុង។

កំពង់ចាម៖ ស្ថានភាពទឹកទន្លេមេគង្គខេត្តកំពង់ចាមនៅតែបន្តហក់ឡើងអស់ជាច្រើនថ្ងៃជាប់ៗគ្នា ដល់កម្ពស់ជាង១២ម៉ែត្រ ខណៈចំណុចប្រកាសប្រុងប្រយ័ត្នកម្ពស់១៥,២០ម៉ែត្រ និងបានធ្វើឲ្យកំណាត់ផ្លូវមួយចំនួននៅតាមដងទន្លេមេគង្គក្នុងភូមិសាស្ត្រខេត្តកំពង់ចាមបានទទួលរងជន់លិច រួមទាំងផលដំណាំមួយចំនួនបានទទួលរងផលប៉ះពាល់ផងដែរ។