ព័ត៌មានតាមបណ្តារខេត្ត

បាត់ដំបង៖ ក្នុងសម័យឌីជីថលកាន់តែអភិវឌ្ឍន៍ លោក សុវណ្ណ វីទិត្យា ប្រធានមន្ទីរព័ត៌មានខេត្តបាត់ដំបង បានជម្រុញឱ្យបណ្តារដ្ឋបាលក្រុង ស្រុក និងឃុំ ក្នុងខេត្ត បន្តការផ្សព្វផ្សាយព័ត៌មានទាក់ទងនឹងការអភិវឌ្ឍ ការផ្តល់សេវាផ្សេងៗ និងការបំភ្លឺព័ត៌មានសាធារណៈលើផេកផ្លូវការរបស់រដ្ឋបាលនីមួយៗឱ្យមានសកម្មភាពកាន់តែច្រើន។

បាត់ដំបង៖ ក្រសួងសាធារណការ និងដឹកជញ្ជូន បានបើកកិច្ចប្រជុំជាមួយប្រតិភូធនាគារអភិវឌ្ឍន៍អាស៊ី (ADB) ដែលបានរៀបចំឡើងនាព្រឹកថ្ងៃទី១៣ ខែសីហា ឆ្នាំ២០២៦ នៅសាលប្រជុំស្ថានីយប្រព្រឹត្តកម្មទឹកកខ្វក់ក្រុងបាត់ដំបងផ្នែកខាងលិចស្ទឹង ដោយមានការអញ្ជើញចូលរួមពីលោក ហេង វណ្ណនី អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ឯកឧត្តម វង្ស ពិសិដ្ឋ អនុរដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង និងតំណាងទីប្រឹក្សាបច្ចេកទេសគម្រោង លោក កូអ៊ីន អេវើរត៍ (Koen EVERAERT) គណៈប្រតិភូសហភាពអឺរ៉ុបប្រចាំព្រះរាជាណាចក្រកម្ពុជា លោកអភិបាលរងក្រុងបាត់ដំបង លោកស្រីប្រធានអង្គភាពគ្រប់គ្រងប្រព័ន្ធចម្រោះទឹកកខ្វក់ មន្ត្រីអនុវត្តគម្រោង(PIU) និងមន្ត្រីជំនាញពាក់ព័ន្ធ។

បាត់ដំបងៈ គណៈកម្មការគ្រប់គ្រងអនុវិទ្យាល័យខ្នាចរមាស រួមជាមួយសប្បុរសជន និងអង្គការដៃគូ នាថ្ងៃទី១២ ខែសីហា ឆ្នាំ២០២៦ បាននាំយកនូវអំណោយមានអង្ករ និងសម្ភារៈសិក្សា ចែកជូនដល់សិស្សអាហារូបករណ៍ចំនួន២៥ នាក់ ដោយមានការអញ្ជើញចូលរួមពី លោក ណែន សារ៉ា នាយកអនុវិទ្យាល័យខ្នាចរមាស និងលោកគ្រូ អ្នកគ្រូជាច្រើនរូបទៀត។

បាត់ដំបង៖ ដោយមានការយកចិត្តទុកដាក់ពី ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅថ្ងៃទី១២ ខែសីហា ឆ្នាំ២០២៦ លោក កុសុម សុភីនារ៉ា នាយកសាខា បានបន្តចាត់មន្ត្រីប្រតិបត្តិសាខាខេត្ត សហការជាមួយអនុសាខាកាកបាទក្រហមកម្ពុជាស្រុកសំពៅលូន ដឹកនាំអ្នកស្ម័គ្រចិត្តចុះផ្សព្វផ្សាយស្តីពីហានិភ័យនៃយុទ្ធភណ្ឌមិនទាន់ផ្ទុះ ឥរិយាបថសុវត្ថិភាព ការធ្វើចំណាកស្រុកប្រកបដោយសុវត្ថិភាព និងសហគមន៍មានសុខភាពល្អ ជូនដល់ប្រជាពលរដ្ឋមកពីភូមិអូរ ឃុំសន្តិភាព ស្រុកសំពៅលូន។ វគ្គនេះត្រូវបានសម្របសម្រួលដោយ លោក យ៉ាន ឧត្តម នាយករងសាខាកាកបាទក្រហមកម្ពុជា ខេត្តបាត់ដំបង និងមានការចូលរួមពីលោក លោកស្រី មន្ត្រីអនុសាខា អ្នកស្ម័គ្រចិត្ត និងប្រជាពលរដ្ឋសរុបប្រមាណជិត ៦០នាក់។ វគ្គផ្សព្វផ្សាយនេះឧបត្ថម្ភគាំទ្រដោយគណៈកម្មាធិការអន្តរជាតិកាកបាទក្រហម និងអឌ្ឍចន្ទក្រហម (ICRC) តាមរយៈទីស្នាក់ការកណ្តាលកាកបាទក្រហមកម្ពុជា។

បាត់ដំបង ៖ រដ្ឋបាលខេត្តបាត់ដំបង និងរដ្ឋបាលខេត្តបន្ទាយមានជ័យ បានរៀបចំពិធីចុះហត្ថលេខាលើសំណើសុំកែសម្រួលព្រំប្រទល់រដ្ឋបាលរវាងខេត្តទាំងពីរ ក្រោមអធិបតីភាពឯកឧត្តម សុខ លូ អភិបាលខេត្តបាត់ដំបង និងឯកឧត្តម អ៊ុំ រាត្រី អភិបាលខេត្តបន្ទាយមានជ័យ នៅសាលប្រជុំសាលាខេត្តបាត់ដំបង នាព្រឹកថ្ងៃទី ១២ ខែសីហា ឆ្នាំ ២០២៦។

ការឆ្លើយតបតម្រូវការប្រជាពលរដ្ឋ ស្រុកសង្កែខេត្តបាត់ដំបង

ដំណើរការសំណេរការប្រឡងសញ្ញាបត្រមធ្យមសិក្សាទុតិយភូមិ បានប្រព្រឹត្តទៅរយៈពេលពីរថ្ងៃ គឺថ្ងៃទី១០ និង១១ ខែសីហា ឆ្នាំ២០២៦។

បាត់ដំបង៖ ជារៀងរាល់ ថ្ងៃសៅរ៍ និងថ្ងៃអាទិត្យ បងប្អូនប្រជាពលរដ្ឋមានទឹកមុខសប្បាយរីករាយ ដោយបានចូលរួមគាំទ្រ និងជួយទិញកសិផលក្នុងស្រុក រួមមានបន្លែ ផ្លែឈើ និងផលិតផលកសិកម្ម សុវត្ថិភាព នៅផ្សារផលិតផលខ្មែរ ស្ថិតក្នុងនៅបរិវេណខាងមុខផ្សារទំនើប-បុរីថ្មី (តាមបណ្តោយផ្លូវលេខ៣) ក្រុងបាត់ដំបង។

បាត់ដំបង៖នៅថ្ងៃទី៧ ខែសីហា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងឯកឧត្តម វង្ស ពិសិដ្ឋ អនុរដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានដឹកនាំតំណាងក្រុមហ៊ុនអន្តរជាតិ១៥ក្រុមហ៊ុនចុះពិនិត្យទីតាំងផ្លូវក្នុងក្រុងបាត់ដំបងចំនួន២១ខ្សែដើម្បីត្រៀមដេញថ្លៃក្នុងពេលឆាប់ៗខាងមុខនេះ។

បង្កាទប់ស្កាត់ជំងឺគ្រុនឈាមក្នុងរដូវវស្សា

បាត់ដំបង ៖ ក្រុមការងារការិយាល័យស្រុកប្រតិបត្តិសង្កែ ដឹកនាំដោយលោក អនុបណ្ឌិត សូ សារិទ្ធ អនុប្រធានស្រុកប្រតិបត្តិសង្កែ សហការជាមួយមន្ត្រីមណ្ឌលសុខភាព អាជ្ញាធរមូលដ្ឋាន និងក្រុមទ្រទ្រង់សុខភាពភូមិ បានចុះធ្វើយុទ្ធនាការអប់រំសុខភាព ស្តីពីការការពារជំងឺគ្រុនឈាម និងគ្រុនចាញ់ ។

បាត់ដំបង ៖ ដើម្បីរុញច្រានការធ្វើបរិវត្តកម្មឌីជីថលនៅថ្នាក់មូលដ្ឋាន រដ្ឋបាលស្រុកមោងឫស្សី បានរៀបចំកិច្ចប្រជុំផ្សព្វផ្សាយ និងប្រកាសដាក់ឱ្យអនុវត្តជាផ្លូវការនូវ «គម្រោង មោងឫស្សីឌីជីថល» កាលពីថ្ងៃទី ៣ ខែសីហា ឆ្នាំ ២០២៦។