ខេត្តព្រះវិហារ៖ នាព្រឹកថ្ងៃទី១៨ ខែកញ្ញា ឆ្នាំ២០២៦នេះ លោកជំទាវ លាង វួចឆេង សម្តេចឧត្តមទេពញាណ ហ៊ុន ណេង បានអញ្ជើញចុះសាកសួរសុខទុក្ខ និងនាំយកអំណោយជាគ្រឿងឧបភោគបរិភោគ សម្ភារៈប្រើប្រាស់ និងមធ្យោបាយធ្វើដំណើរជាច្រើនគ្រឿង ទៅឧបត្ថម្ភលើកទឹកចិត្តដល់បណ្ដាកងកម្លាំងសមរភូមិមុខ ក្នុងខេត្តព្រះវិហារ ដែលបាននិងកំពុងបំពេញភារកិច្ចយ៉ាងសកម្មក្នុងការការពារសុខសន្តិភាព និងដែនអធិបតេយ្យជាតិជូនប្រជាពលរដ្ឋកម្ពុជា។

(កំពង់ឆ្នាំង)៖ តបតាមការអញ្ជើញរបស់រដ្ឋបាលខេត្តកំពង់ឆ្នាំង នាព្រឹកថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការ រោងចក្រផ្គុំ និងដំឡើងរថយន្ត របស់ក្រុមហ៊ុន ធីអេច អូតូម៉ូធីវ មេនូហ្វេកឆឺរីង និងខ្សែសង្វាក់ផលិតកម្មម៉ាក GAC ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

(កំពង់ចាម) នាព្រឹកថ្ងៃទី១៨ ខែ កញ្ញា ឆ្នាំ ២០២៦កម្មវិធីនេះរៀបចំដោយ តំណាងក្រសួងកិច្ចការនារី អញ្ជើញជាអធិបតីភាពបើកកិច្ចប្រជុំ ពិភាក្សាប្រមូលព័ត៌មាន និងធាតុចូល ដើម្បីរៀបចំក្របខណ្ឌកម្មវិធីលើកកម្ពស់ តួនាទីឪពុកម្តាយ កូនៗ គ្រួសារ និងសហគមន៍ ក្នុងការរួមចំណែកកសាងសង្គម កម្ពុជា ដែលប្រកបដោយ សុខសុវត្ថិភាព សុខុមាលភាព និងភាពសុខដុមរមនា។ កិច្ចប្រជុំនេះក៏មានការអញ្ជើញចូលរួមពីសំណាក់ លោក លោកស្រី និង មន្ទីរព័ត៌មាន មន្ទីរវិចត្រសិល្បៈ មន្ទីរធម្មាការ មន្ទីរហិរញ្ញវត្ថុ និង អ.ក.ន.ក សង្កាត់ទាំង៤។

(រាជធានីភ្នំពេញ)៖ នាថ្ងៃទី១៧ ខែកញ្ញា ឆ្នាំ២០២៦ លោកស្រី ស្រី សុភ័ក្ត្រ អភិបាលរងនៃគណៈអភិបាលខេត្តកំពង់ចាម បានអញ្ជើញចូលរួមក្នុង «វេទិកាប្រព័ន្ធ ផ្សព្វផ្សាយស្តីពីការប្រយុទ្ធប្រឆាំងព័ត៌មានក្លែងក្លាយ និងពិធីប្រកួតប្រជែងពានរង្វាន់ជ័យលាភី អ្នកផលិតមាតិកាប្រយុទ្ធប្រឆាំងព័ត៌មានក្លែងក្លាយឆ្នាំ២០២៦» ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដែលបានប្រព្រឹត្តទៅនៅសណ្ឋាគារ Sun & Moon Riverside រាជធានីភ្នំពេញ។

ខេត្តកំពង់ចាម៖ នាថ្ងៃទី១៦ ខែកញ្ញា ឆ្នាំ២០២៦នេះ លោកជំទាវ ប៉ាង ដានី អភិបាលរងនៃគណៈអភិបាលខេត្តកំពង់ចាម បានអញ្ជើញជាអធិបតីភាពក្នុងពិធីបើក «សិក្ខាសាលាស្ដីពី ការផ្លាស់ប្ដូរបទពិសោធន៍ លើវិធីសាស្ត្រនៃការរៀបចំផែនការ ការធ្វើរបាយការណ៍ និងកិច្ចសហការសកម្មភាពរួមគ្នារវាងអង្គការ IJM និងគណៈកម្មាធិការខេត្តប្រយុទ្ធប្រឆាំងការជួញដូរមនុស្ស (គ.ខ.ប.ជ.) ខេត្តកំពង់ចាម»។ សិក្ខាសាលានេះក៏មានការអញ្ជើញចូលរួមពីសំណាក់ លោក លោកស្រី ដែលជាសមាជិក សមាជិកា មកពីតាមបណ្តាមន្ទីរ-អង្គភាពជំនាញជុំវិញខេត្តផងដែរ។

អភិបាលរងខេត្តកំពង់ចាម ទទួលបានសំណើ សំណូមពររបស់ប្រជាពលរដ្ឋ ៣៤៣គ្រួសារ ស្នើសុំចុះប័ណ្ណកម្មសិទ្ធិដីធ្លីពីដីចំណី អូរ ព្រែក និងទន្លេខ្ពប នៅស្រុកស្រីសន្ធរ