បាត់ដំបង៖ មណ្ឌលសុខភាពស្វាយប៉ោ ស្ថិតក្នុងក្រុងបាត់ដំបង បាននិងកំពុងបើកផ្តល់សេវាពិនិត្យ តាមដាន និងផ្តល់ថ្នាំព្យាបាលជំងឺទឹកនោមផ្អែម និងជំងឺលើសសម្ពាធឈាម ជូនប្រជាពលរដ្ឋដោយផ្ទាល់។ សេវានេះកំពុងទទួលបានការគាំទ្រយ៉ាងខ្លាំងពីសំណាក់ប្រជាពលរដ្ឋក្នុងមូលដ្ឋាន និងតំបន់ជុំវិញ ដោយសារការយកចិត្តទុកដាក់ និងភាពរហ័សរហួនរបស់ក្រុមគ្រូពេទ្យក្នុងការផ្តល់សេវា។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង សហការជាមួយការិយាល័យសុខាភិបាលស្រុកប្រតិបត្តិមោងឫស្សី អាជ្ញាធរភូមិចុងសំណាយ និងក្រុមទ្រទ្រង់ភូមិ បានចុះអនុវត្តសកម្មភាពបង្ការ និងទប់ស្កាត់ជំងឺគ្រុនឈាម នៅភូមិចុងសំណាយ ឃុំជ្រៃ ស្រុកមោងឫស្សី ខេត្តបាត់ដំបង កាលពីថ្ងៃទី៧ ខែកញ្ញា ឆ្នាំ២០២៦ ។

ក្រុមការងារវាយតម្លៃគុណភាពសេវាសុខាភិបាល នៃមន្ទីរសុខាភិបាលរដ្ឋបាលខេត្តបាត់ដំបង បានចុះបំពេញបេសកកម្មវាយតម្លៃគុណភាពសេវាសុខាភិបាល ប្រចាំឆមាសទី២ នៅ មន្ទីរសុខាភិបាលខេត្តកោះកុង និង មន្ទីរពេទ្យបង្អែកខេត្តកោះកុង កាលពីថ្ងៃទី ០២ ខែកញ្ញា ឆ្នាំ២០២៦ ។

បាត់ដំបង ៖ ថ្នាក់ដឹកនាំមន្ទីរសុខាភិបាលខេត្តបាត់ដំបង ចាត់ទុកថា ការចូលរួមរបស់ស្វាមី ក្នុងការគាំទ្រ ថែទាំភរិយាមានផ្ទៃពោះ ក៏ដូចជាក្នុងពេលសម្រាល និងក្រោយការសម្រាល គឺជាចំណុចគួរឱ្យលើកទឹកចិត្ត ព្រោះសុខភាពមាតា និងទារក មិនមែនជាការទទួលខុសត្រូវរបស់ម្តាយតែម្នាក់ឯងប៉ុណ្ណោះទេ ប៉ុន្តែត្រូវការការយល់ដឹង ការគាំទ្រ និងការសម្រេចចិត្តរួមពីក្រុមគ្រួសារ ដើម្បីសុវត្ថិភាពមាតា និងទារក ទើបគ្រួសារមានសុភមង្គល ។

បាត់ដំបង ៖ ថ្នាក់ដឹកនាំការិយាល័យសុខាភិបាលស្រុកប្រតិបត្តិសំពៅលូន នៃខេត្តបាត់ដំបង បានរៀបចំវគ្គបណ្តុះបណ្តាលស្តីពីការធ្វើតេស្តរកវីរុស HPV ដើម្បីបង្ការ និងគ្រប់គ្រងជំងឺមហារីកមាត់ស្បូន ជូនដល់បុគ្គលិកសុខាភិបាល មកពីមណ្ឌលសុខភាព ដើម្បីពង្រឹងចំណេះដឹង និងសមត្ថភាពក្នុងការអនុវត្តកម្មវិធីពិនិត្យស្រាវជ្រាវរកវីរុស HPV សំដៅរួមចំណែកបង្ការ និងគ្រប់គ្រងជំងឺមហារីកមាត់ស្បូន ។

បាត់ដំបង ៖ ដើម្បីលើកកម្ពស់គុណភាព និងសុវត្ថិភាពនៃការថែទាំមាតា និងទារកឱ្យកាន់តែល្អប្រសើរនោះ មន្ទីរសុខាភិបាលនៃរដ្ឋបាលខេត្តបាត់ដំបង នាថ្ងៃទី០១ ខែកញ្ញា ឆ្នាំ២០២៦ បានរៀបចំកិច្ចប្រជុំក្រុមសម្របសម្រួលសម្ព័ន្ធឆ្មប ហៅកាត់ថា MCAT ត្រូវបានរៀបចំធ្វើឡើងនៅស្រុកប្រតិបត្តិថ្មគោល ដើម្បីពង្រឹងការសម្របសម្រួល និងការងារជាក្រុម រវាងមណ្ឌលសុខភាព មន្ទីរពេទ្យបង្អែកស្រុក មន្ទីរពេទ្យបង្អែកខេត្ត និងមន្ទីរសុខាភិបាលនៃរដ្ឋបាលខេត្តបាត់ដំបង ។