លោកជំទាវ ស្រ៊ុន ស្រីនាង អភិបាលរងខេត្តកណ្ដាល មានប្រសាសន៍ថា៖ វគ្គបណ្ដុះបណ្ដាលនេះពិតជាមានសារៈសំខាន់ណាស់ដើម្បីជួយពង្រឹងសមត្ថភាពដល់មន្ត្រីមូលដ្ឋានឱ្យបានយល់ច្បាស់អំពីការងារបង្ការទប់ស្កាត់ និងរំលោភបំពាន ផ្លូវភេទកុមារលើប្រព័ន្ធអនឡាញ វគ្គបណ្ដុះបណ្ដាលនេះដែរបានចែករំលែកនូវបទពិសោធន៍ ការយល់ដឹង ជាមូលដ្ឋានគ្រឹះសម្រាប់ការអនុវត្តតួនាទី និងភារកិច្ចយើងបន្តក្នុងការបត់បែនទៅតាមស្ថានភាពជាក់ស្ដែងក្នុងមូលដ្ឋាននីមួយៗរបស់យើងឱ្យកាន់តែល្អប្រសើបន្ថែមទៀត។

ឯកឧត្តមអភិបាលខេត្ត បានគូសបញ្ជាក់ថា៖ ការលុបបំបាត់ និងបង្ក្រាបរាល់បទល្មើសល្បែងស៊ីសងខុសច្បាប់គ្រប់រូបភាព ជាពិសេសល្បែងភ្នាល់តាមប្រព័ន្ធអ៊ីនធឺណិត/អនឡាញ (Online Betting) ដែលជាប្រភពបង្កផលប៉ះពាល់យ៉ាងធ្ងន់ធ្ងរដល់សន្តិសុខ សណ្តាប់ធ្នាប់សង្គម និងជីវភាពរស់នៅរបស់ប្រជាពលរដ្ឋ។

ឆ្លងតាមការពិភាក្សាការងារ ក៏ដូចជាការចែករំលែកនូវបទពិសោធន៍ វាជាមូលដ្ឋានគ្រឹះសម្រាប់ការអនុវត្តតួនាទី និងភារកិច្ច ទៅតាមស្ថានភាពជាក់ស្ដែងក្នុងមូលដ្ឋាននីមួយៗរបស់យើង ឱ្យកាន់តែល្អប្រសើបន្ថែមទៀត

ចំពោះបញ្ហា ការកេងប្រវ័ញ្ច និងការជួញដូរពលកម្មកុមារ ឯកឧត្តមអភិបាលខេត្ត បានណែនាំឱ្យមន្ទីរ អង្គភាព និងអាជ្ញាធរមូលដ្ឋានពាក់ព័ន្ធ សិក្សាឱ្យបានច្បាស់អំពីបទប្បញ្ញត្តិច្បាប់ និងវិធានការការពារកុមារ ព្រមទាំងចុះត្រួតពិនិត្យ និងតាមដានតាមរោងចក្រ សហគ្រាស និងទីតាំងការងារនានា ដើម្បីពិនិត្យថាតើមានការប្រើប្រាស់កម្លាំងពលកម្មកុមារដែលផ្ទុយនឹងច្បាប់កំណត់។

ឯកឧត្តម ណុប ដារ៉ា អភិបាលរងខេត្តកណ្តាល បានដឹកនាំកិច្ចប្រជុំជាមួយអាជ្ញាធរស្រុក កងកម្លាំងប្រដាប់អាវុធទាំងបី និងមន្ត្រីជំនាញពាក់ព័ន្ធ ដើម្បីរៀបចំផែនការការពារសន្តិសុខ សុវត្ថិភាព និងសណ្តាប់ធ្នាប់ សម្រាប់មណ្ឌលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ក្នុងស្រុកខ្សាច់កណ្តាល។ ការរៀបចំនេះធ្វើឡើងក្នុងគោលបំណងធានាឱ្យដំណើរការប្រឡង ដែលនឹងប្រព្រឹត្តទៅនៅថ្ងៃទី១០ ខែសីហា ឆ្នាំ២០២៦ ខាងមុខ ប្រព្រឹត្តទៅដោយរលូន យុត្តិធម៌ តម្លាភាព និងមានប្រសិទ្ធភាពខ្ពស់។

នាព្រឹកថ្ងៃទី០៧ ខែសីហា ឆ្នាំ២០២៦ ថ្នាក់ដឹកនាំខេត្តកណ្តាល រួមមាន លោកជំទាវ នួន នារតី និងលោកជំទាវ ស្រ៊ុន ស្រីនាង ជាមួយអាជ្ញាធរពាក់ព័ន្ធ បានដឹកនាំកិច្ចប្រជុំពិនិត្យអាជីវកម្មរោងភាពយន្ត និងទីតាំងកម្សាន្តចំនួន ២កន្លែង (Yo Yo Movie & KTV និង Mac Theater) ក្នុងក្រុងតាខ្មៅ។ កិច្ចប្រជុំនេះធ្វើឡើងដើម្បីពង្រឹងការអនុវត្តច្បាប់ ការពិនិត្យអាជ្ញាប័ណ្ណ និងបទដ្ឋានបច្ចេកទេស ព្រមទាំងបានណែនាំដល់ម្ចាស់អាជីវកម្មឱ្យសហការជាមួយអាជ្ញាធរ និងត្រួតពិនិត្យមាតិកាភាពយន្តឱ្យបានម៉ត់ចត់ ដោយហាមឃាត់ដាច់ខាតនូវរូបភាពអាសអាភាស អំពើហិង្សា ឬខ្លឹមសារដែលប៉ះពាល់ដល់វប្បធម៌ និងប្រពៃណីជាតិ។