ចាប់ពីថ្ងៃទី២៤ ដល់ថ្ងៃទី២៦នេះ កម្ពុជា អាចមានភ្លៀងធ្លាក់ពី៣០% ទៅ៦០% ជាមួយផ្គររន្ទះ និងខ្យល់កន្ត្រាក់

ចាប់ពីថ្ងៃទី២៤ ដល់ថ្ងៃទី២៦នេះ កម្ពុជា អាចមានភ្លៀងធ្លាក់ពី៣០% ទៅ៦០% ជាមួយផ្គររន្ទះ និងខ្យល់កន្ត្រាក់ ចេញផ្សាយ ថ្ងៃទី ២៤ ខែ សីហា ឆ្នាំ ២០២៦ ក្រសួងធនធានទឹក និងឧតុនិយម បានឱ្យដឹងនាព្រឹកថ្ងៃទី២៤ ខែសីហា ឆ្នាំ២០២៦នេះថា ព្យុះទី១៨ ឈ្មោះ សូដេល(Saudel)T2618 បានវិវត្តទៅជាព្យុះសង្ឃរា រួមជាមួយនឹងព្យុះទី១៩ ឈ្មោះ ណារ៉ា(Narra)T2619 និងព្យុះទី២០ ឈ្មោះ ហ្គាណារី (Gaenari)T2620 មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងបីនេះទេ។ ក្រសួងបានបញ្ជាក់ថា ស្ថានភាពបែបនេះនឹងធ្វើឱ្យធាតុអាកាស ចាប់ពីថ្ងៃទី២៤ ដល់ថ្ងៃទី២៦ ខែសីហា ឆ្នាំ២០២៦ អាចមានភ្លៀងធ្លាក់ពី៣០% ទៅ៦០% ជាមួយផ្គររន្ទះ និងខ្យល់កន្ត្រាក់។