រដ្ឋបាលខេត្តត្បូងឃ្មុំ ដាក់ឱ្យប្រើប្រាស់ផ្លូវកៅស៊ូ និងបើកការដ្ឋានសាងសង់ផ្លូវថ្មីនៅស្រុកមេមត់ ដើម្បីសម្រួលការធ្វើដំណើរ និងលើកកម្ពស់ជីវភាពប្រជាពលរដ្ឋ
(ខេត្តត្បូងឃ្មុំ)៖ នៅថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ផ្លូវក្រាលកៅស៊ូប្រភេទ DBST ប្រវែង ៥,៧០៤ម៉ែត្រ និងបើកការដ្ឋានសាងសង់ផ្លូវ DBST ថ្មីប្រវែង ៦,០០០ម៉ែត្រ ស្ថិតក្នុងឃុំមេមត់ ស្រុកមេមត់ ខេត្តត្បូងឃ្មុំ។ ពិធីនេះបានធ្វើឡើង នៅសាលាបុណ្យ ស្ថិតក្នុងភូមិមុខក្រាស់ ឃុំមេមត់ ដោយមានការចូលរួមពីថ្នាក់ដឹកនាំខេត្ត សមាជិកក្រុមប្រឹក្សាខេត្ត អភិបាលរងខេត្ត ប្រធាន-អនុប្រធានមន្ទីរ អង្គភាពជំនាញជុំវិញខេត្ត អាជ្ញាធរមូលដ្ឋាន កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋជាច្រើនរូប។ អត្ថបទ និងរូបភាព៖ អារុណ្ណាទី /ពិនិត្យ៖ យ៉ាន យាត
