លោក ងួន ប៊ុណ្ណាន ដឹកនាំអនុសាខាកាកបាទក្រហមក្រុងសួង ចុះសួរសុខទុក្ខ និងផ្តល់អំណោយជូនគ្រួសារពិការ និងចាស់ជរា
(ខេត្តត្បូងឃ្មុំ)៖ រសៀលថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ លោក ងួន ប៊ុណ្ណាន អភិបាលនៃគណៈអភិបាលក្រុងសួង និងជាប្រធានកិត្តិយសអនុសាខាកាកបាទក្រហមកម្ពុជាក្រុងសួង បានដឹកនាំថ្នាក់ដឹកនាំ សមាជិក សមាជិកា អនុសាខាកាកបាទក្រហមកម្ពុជាក្រុង និងក្រុមអ្នកស្ម័គ្រចិត្តកាកបាទក្រហមកម្ពុជាសង្កាត់សួង ចុះសួរសុខទុក្ខ និងនាំយកអំណោយមនុស្សធម៌ទៅប្រគល់ជូនគ្រួសារដែលមានជីវភាពខ្វះខាត ជនមានពិការភាព និងចាស់ជរាមានជំងឺ ចំនួន ២គ្រួសារ នៅក្នុងក្រុងសួង ដើម្បីចូលរួមសម្រាលការលំបាកក្នុងជីវភាពប្រចាំថ្ងៃ។ អត្ថបទ៖ យ៉ាន យាត
