កម្ពុជា រងសម្ពាធទាបពីព្យុះចំនួន៣ ដែលអាចមានភ្លៀងធ្លាក់ពី៤០% ទៅ៧០% រយៈពេលបីថ្ងៃ

កម្ពុជា រងសម្ពាធទាបពីព្យុះចំនួន៣ ដែលអាចមានភ្លៀងធ្លាក់ពី៤០% ទៅ៧០% រយៈពេលបីថ្ងៃ ចេញផ្សាយ ថ្ងៃទី ១១ ខែ សីហា ឆ្នាំ ២០២៦ ក្រសួងធនធានទឹក និងឧតុនិយម បានឱ្យដឹងនាព្រឹកថ្ងៃទី១ ខែសីហា ឆ្នាំ២០២៦នេះថា សម្ពាធទាបដែលកើតមាននៅលើមហាសមុទ្រប៉ាស៊ីហ្វីកខាងលិចបានវិវត្តទៅជាព្យុះទី១៦ ឈ្មោះ ភីលូ(Peilou)T2616 រួមជាមួយព្យុះទី១៥ ឈ្មោះ ចាន់ហម(Chan-hom)T2615 និងព្យុះសង្ឃរាទី១៣ ឈ្មោះ ដូលហ្វីន (Dolphin)T2613 មានឥទ្ធិពលខ្លាំងលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងបីនេះទេ។ តាមក្រសួងបានបញ្ជាក់ថា ស្ថានភាពបែបនេះនឹងធ្វើឱ្យធាតុអាកាស ចាប់ពីថ្ងៃទី១១ ដល់ថ្ងៃទី១៣ ខែសីហា ឆ្នាំ២០២៦ អាចមានភ្លៀងធ្លាក់ពី៤០% ទៅ៧០%៕ ដោយ៖ កន ចំណាន