(ខេត្តត្បូងឃ្មុំ)៖ វិហារឥស្លាមថ្មីមួយខ្នង តម្លៃ ៣៥០,០០០ ដុល្លារអាមេរិក ស្ថិតនៅភូមិរកាពប្រាំ២ ឃុំរកាពប្រាំ ស្រុកត្បូងឃ្មុំ ត្រូវបានចុះវាស់វែងតម្រង់ទិសដៅ (គីប្លាត់) នៅថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦ នេះ ដើម្បីត្រៀមបើកការដ្ឋានសាងសង់ជាផ្លូវការ ក្រោមបរិយាកាសសុខដុមនីយកម្មសាសនា និងសេរីភាពខាងជំនឿយ៉ាងរឹងមាំក្នុងសង្គមកម្ពុជា។ អត្ថបទ​៖​ អារុណ្ណាទី​ / ពិនិត្យ​ កែសម្រួល​៖​ យ៉ាន​ យាត

​(ខេត្ត​ត្បូងឃ្មុំ)៖​ នាព្រឹកថ្ងៃអាទិត្យ ទី២ ខែសីហា ឆ្នាំ២០២៦ ​ឯកឧត្តម ចាយ បូរិន​ រដ្ឋមន្ត្រីក្រសួងធម្មការនិងសាសនា បានអញ្ជើញជាអធិបតីដ៏ខ្ពង់ខ្ពស់ ក្នុងពិធីសំណេះសំណាលជាមួយព្រះមន្រ្តីសង្ឃខេត្ត ព្រះមន្ត្រីសង្ឃក្រុង ស្រុក និងព្រះចៅអធិការវត្តនៅទូទាំងខេត្តត្បូងឃ្មុំ ដោយមានការនិមន្ត និងអញ្ជើញចូលរួមពីសំណាក់ព្រះមេគណទាំងពីរគណៈ និងព្រះមន្រ្តីសង្ឃគ្រប់ឋានានុក្រម ព្រះចៅអធិការវត្ត​ក្នុងខេត្តត្បូងឃ្មុំ ឯកឧត្តម គន់ រ័ត្នមុនី អភិបាលរង​ តំណាងរបស់ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ  អាជ្ញាធរក្រុង ស្រុក ការិយាល័យសង្គមកិច្ច និងសុខុមាលភាពសង្គម មន្រ្តីរាជការនៃមន្ទីរធម្មការនិងសាសនា សរុបប្រមាណជាង ​២០០អង្គ/នាក់​។ អត្ថបទ​ និងរូបភាព​៖​ អារុណ្ណាទី ពិនិត្យ​ កែសម្រួល​៖​ យ៉ាន​ យាត

(ខេត្តត្បូងឃ្មុំ)៖ លោកឧកញ៉ា អគ្គមហាឧបាសកពុទ្ធសាសនូបត្ថម្ភន៍ នៅ គន់ និងលោកជំទាវ មហាឧបាសិកាពុទ្ធសាសនូបត្ថម្ភន៍ សៅ វណ្ណា ព្រមទាំងឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា រួមជាមួយបុត្រា បុត្រី និងចៅៗ នាព្រឹកថ្ងៃទី២២ ខែកក្កដា ឆ្នាំ២០២៦ បានអញ្ជើញជាអធិបតីក្នុងពិធីដង្ហែទានចំណាំព្រះវស្សា វត្ថុបច្ច័យ និងគ្រឿងឧបភោគបរិភោគ វេរប្រគេនដល់ព្រះសង្ឃដែលគង់ចាំព្រះវស្សាចំនួន ២១វត្ត ព្រមទាំងពិធីប្រកាសតែងតាំងព្រះគ្រូចៅអធិការវត្តថ្មីចំនួន ២វត្ត នៅវត្តចន្ទគិរី (ហៅវត្តចាន់ទូង) ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។

(ត្បូងឃ្មុំ)៖ នៅថ្ងៃទី១៧ ខែកក្កដា ឆ្នាំ២០២៦ ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស បានអញ្ជើញជាអធិបតី ក្នុងវេទិកាអប់រំឥស្លាម ក្រោមប្រធានបទ «សុខដុមនីយកម្មប្រជាជាតិ» ដែលត្រូវបានរៀបចំឡើងនៅម៉ាស្ជិត នូរ អ៉ីស្តីក៏ម៉ាស់ ស្ថិតក្នុងភូមិតាប៉ាវបំពេញទេស (ជ្រៃមីន) ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ។

ក្នុងឱកាសពិធីបុណ្យចូលព្រះវស្សា សប្បុរសជន មកពីរាជធានីភ្នំពេញ និងខេត្តពោធិ៍សាត់ ដឹកនាំដោយលោក អុីម ស្រូយ និងលោកស្រី ឡោ មុយជូ ព្រមទាំងក្រុមគ្រួសារ នាព្រឹកថ្ងៃទី១៨ ខែកក្កដា ឆ្នាំ២០២៦ បាននាំយកទៀនចំណាំព្រះវស្សា ទេយ្យទាន ទេយ្យវត្ថុ និងបច្ច័យ ទៅប្រគេនព្រះសង្ឃនៅវត្តចំនួន២ គឺវត្តចន្ទរស្មី (ចន្ទនិមិត្ត) និងវត្តសាសនរង្សីសិរីសុខារាម (ហៅវត្តតាប៉ាវបំពេញទេស) ស្ថិតក្នុងស្រុកត្បូងឃ្មុំ ខេត្តត្បូងឃ្មុំ ដើម្បីចូលរួមទ្រទ្រង់ព្រះពុទ្ធសាសនា និងផ្គត់ផ្គង់ព្រះសង្ឃក្នុងអំឡុងពេលគង់ចាំព្រះវស្សា។

ត្បូងឃ្មុំ៖ នៅព្រឹកថ្ងៃទី០៧ ខែមិថុនា ឆ្នាំ២០២៦ ព្រះគ្រូសិរីធម្មធារ អុិត ឡាវ ព្រះអនុគណស្រុកពញាក្រែក ព្រមទាំងព្រះមន្ត្រីសង្ឃ, គណៈប្រតិភូក្រសួងធម្មការ និងសាសនា, លោក លី សុភាលីន អភិបាលនៃគណៈអភិបាលស្រុកពញាក្រែក ,លោក ដុំ ផាន អនុប្រធានមន្ទីរធម្មការ និងសាសនា បានអញ្ជើញជាអធិបតីក្នុងពិធីបើកកាត់ស្រោមវិញ្ញាសារប្រឡងពុទ្ធិកធម្មវិន័យ ថ្នាក់ត្រី ថ្នាក់ទោ ថ្នាក់ឯក សម្រាប់សម័យប្រឡងឆ្នាំ២០២៦ នៅមណ្ឌលប្រឡងសាលាបឋមសិក្សា និងអនុវិទ្យាល័យ ត្រពាំងផ្លុង ស្ថិតនៅ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។