ថ្នាក់ដឹកនាំ និងមន្ត្រីរាជការនៃមន្ទីរសុខាភិបាលខេត្តត្បូងឃ្មុំ នាំយកទៀនព្រះវស្សា និងទេយ្យទាន វេរប្រគេនព្រះសង្ឃ ៧វត្ត ក្នុងក្រុងសួង ដើម្បីរួមចំណែកលើកស្ទួយវិស័យព្រះពុទ្ធសាសនា

(ខេត្តត្បូងឃ្មុំ)៖ នៅព្រឹកថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានដឹកនាំថ្នាក់ដឹកនាំ មន្ត្រីរាជការ និងបុគ្គលិកសុខាភិបាល នៃមន្ទីរ អញ្ជើញនាំយកទៀនព្រះវស្សា ទេយ្យទាន គ្រឿងឧបភោគបរិភោគ និងបច្ច័យ ទៅវេរប្រគេនដល់ព្រះមន្ត្រីសង្ឃ និងភិក្ខុ សង្ឃដែលគង់ចាំព្រះវស្សា មកពីវត្តចំនួន ៧ ក្នុងក្រុងសួង ដែលពិធីសាសនានេះ ត្រូវបានរៀបចំឡើងនៅវត្តវិហារទន្ទឹម ស្ថិតក្នុងសង្កាត់សួង ក្រុងសួង ខេត្តត្បូងឃ្មុំ។