ក្រុមប្រឹក្សាខេត្តត្បូងឃ្មុំ អនុម័តផ្លូវការលើសេចក្តីព្រាងថវិកាឆ្នាំ២០២៧ ដើម្បីជំរុញការអភិវឌ្ឍ និងឆ្លើយតបតម្រូវការប្រជាពលរដ្ឋ

(ខេត្តត្បូងឃ្មុំ)៖ នៅព្រឹកថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦ ក្រុមប្រឹក្សាខេត្តត្បូងឃ្មុំ បានបើកកិច្ចប្រជុំវិសាមញ្ញលើកទី៣ អាណត្តិទី៤ នៅសាលប្រជុំ (ខ) សាលាខេត្តត្បូងឃ្មុំ ដើម្បីពិនិត្យ ពិភាក្សា និងអនុម័តលើសេចក្តីព្រាង «ស្តីពីការរៀបចំគម្រោងចំណូល-ចំណាយថវិកា តាមចំណាត់ថ្នាក់សេដ្ឋកិច្ច សម្រាប់ឆ្នាំ២០២៧ របស់រដ្ឋបាលខេត្តត្បូងឃ្មុំ»។