ក្រសួងព័ត៌មាន បញ្ជូនមន្ត្រីកម្ពុជា ២៧រូប ចូលរួមវគ្គបណ្តុះបណ្តាលសារព័ត៌មានឌីជីថល នៅទីក្រុងហូជីមិញ

(ទីក្រុងហូជីមិញ)៖ ស្របតាមផែនការកិច្ចសហប្រតិបត្តិការលើវិស័យព័ត៌មាន ឆ្នាំ២០២៦-២០៣០ និងដើម្បីលើកកម្ពស់សមត្ថភាពបច្ចេកទេសបន្ថែមជូនដល់មន្ត្រីព័ត៌មាននៅតាមបណ្តារាជធានី-ខេត្ត ក្រសួងព័ត៌មានកម្ពុជា បានចាត់បញ្ជូនប្រតិភូ និងមន្ត្រីព័ត៌មានសរុបចំនួន ២៧រូប ដឹកនាំដោយ លោក សាន សុភា ប្រធាននាយកដ្ឋានសហប្រតិបត្តិការអន្តរជាតិ ឱ្យចូលរួមក្នុងវគ្គបណ្តុះបណ្តាលស្តីពី «Foundational Digital & Mobile Journalism Training for Provincial Information Personnel» (ឬជំនាញអនុវត្តស្មាតហ្វូននៅក្នុងយុគសម័យឌីជីថល) ចាប់ពីថ្ងៃទី២៦ ដល់ថ្ងៃទី៣១ ខែកក្កដា ឆ្នាំ២០២៦ នៅទីក្រុងហូជីមិញ សាធារណរដ្ឋសង្គមនិយមវៀតណាម។