ក្រុមគ្រូពេទ្យឯកទេសភ្នែក បន្តផ្តល់សេវាពិនិត្យ ព្យាបាល និងវះកាត់ជំងឺភ្នែកដោយឥតគិតថ្លៃ ជូនប្រជាពលរដ្ឋនៅមន្ទីរពេទ្យខេត្តត្បូងឃ្មុំ
(ខេត្តត្បូងឃ្មុំ)៖ នាព្រឹកថ្ងៃទី២១ ខែកក្កដា ឆ្នាំ២០២៦ ក្រុមគ្រូពេទ្យឯកទេសភ្នែក នៃកម្មវិធីជាតិសុខភាពភ្នែក ក្រសួងសុខាភិបាល សហការយ៉ាងជិតស្និទ្ធជាមួយមន្ទីរសុខាភិបាល នៃរដ្ឋបាលខេត្តត្បូងឃ្មុំ និងមន្ទីរពេទ្យបង្អែកមិត្តភាពកម្ពុជា-ចិន ត្បូងឃ្មុំ ព្រមទាំងទទួលបានការគាំទ្រថវិកាពី មូលនិធិហ្វ្រេដហូឡូ កម្ពុជា (The Fred Hollows Foundation) កំពុងបន្តដំណើរការយុទ្ធនាការពិនិត្យ ព្យាបាល និងវះកាត់ជំងឺភ្នែកដោយ «ឥតគិតថ្លៃ» ជូនប្រជាពលរដ្ឋក្នុងខេត្តត្បូងឃ្មុំ និងបណ្តាខេត្តជិតខាង ចាប់ពីថ្ងៃទី២០ ដល់ថ្ងៃទី២៤ ខែកក្កដា ឆ្នាំ២០២៦ នៅមន្ទីរពេទ្យបង្អែកមិត្តភាពកម្ពុជា-ចិន ត្បូងឃ្មុំ។ អត្ថបទ និងរូបភាព: ជឿន សុធន កែសម្រួលដោយ: យ៉ាន យាត
