សប្បុរសជនបាននាំយកទៀនចំណាំព្រះវស្សា និងទេយ្យទាន ប្រគេនដល់ព្រះសង្ឃ ២វត្ត ក្នុងស្រុកត្បូងឃ្មុំ ខេត្តត្បូងឃ្មុំ ព្រមទាំងចែកសម្ភារសិក្សាជូនសិស្សជាង ៣០០នាក់
ក្នុងឱកាសពិធីបុណ្យចូលព្រះវស្សា សប្បុរសជន មកពីរាជធានីភ្នំពេញ និងខេត្តពោធិ៍សាត់ ដឹកនាំដោយលោក អុីម ស្រូយ និងលោកស្រី ឡោ មុយជូ ព្រមទាំងក្រុមគ្រួសារ នាព្រឹកថ្ងៃទី១៨ ខែកក្កដា ឆ្នាំ២០២៦ បាននាំយកទៀនចំណាំព្រះវស្សា ទេយ្យទាន ទេយ្យវត្ថុ និងបច្ច័យ ទៅប្រគេនព្រះសង្ឃនៅវត្តចំនួន២ គឺវត្តចន្ទរស្មី (ចន្ទនិមិត្ត) និងវត្តសាសនរង្សីសិរីសុខារាម (ហៅវត្តតាប៉ាវបំពេញទេស) ស្ថិតក្នុងស្រុកត្បូងឃ្មុំ ខេត្តត្បូងឃ្មុំ ដើម្បីចូលរួមទ្រទ្រង់ព្រះពុទ្ធសាសនា និងផ្គត់ផ្គង់ព្រះសង្ឃក្នុងអំឡុងពេលគង់ចាំព្រះវស្សា។
