ខេត្តបន្ទាយមានជ័យ បើកយុទ្ធនាការបណ្តុះបណ្តាលជំនាញវិជ្ជាជីវៈ និងវាយតម្លៃសមត្ថភាព (RPL) ដោយឥតគិតថ្លៃ ជូនអតីតពលករ និងជនភៀសសឹក ក្នុងស្រុកស្វាយចេក

ឱកាសការងារ និងការលើកកម្ពស់ជីវភាពរស់នៅរបស់បងប្អូនអតីតពលករ និងប្រជាពលរដ្ឋជនភៀសសឹក បានឈានមកដល់ដល់មូលដ្ឋានហើយ។ នាព្រឹកថ្ងៃទី០៨ ខែកក្កដា ឆ្នាំ២០២៦ នេះ វេទិកាចុះផ្សព្វផ្សាយស្តីពី «ការជ្រើសរើសសិស្សឱ្យចូលរៀនវគ្គបណ្តុះបណ្តាលសញ្ញាបត្របច្ចេកទេស និងវិជ្ជាជីវៈ១ (C1-1.5M) រយៈពេល ៤ខែ ដោយឥតគិតថ្លៃ និងការវាយតម្លៃតេស្តសមត្ថភាពទទួលស្គាល់ជំនាញពីមុន (RPL)» ត្រូវបានរៀបចំឡើងនៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ ដោយមានបងប្អូនអតីតពលករ និងប្រជាពលរដ្ឋជនភៀសសឹកចូលរួមយ៉ាងកុះករ។