រដ្ឋបាលខេត្តត្បូងឃ្មុំ សហការជាមួយអគ្គនាយកដ្ឋានអត្តសញ្ញាណកម្ម ជំរុញការផ្តល់ឯកសារជូនពលករត្រឡប់ពីថៃ និងប្រជាពលរដ្ឋខ្វះខាតឯកសារឱ្យបានឆាប់រហ័ស

ខេត្តត្បូងឃ្មុំ៖ នាព្រឹកថ្ងៃចន្ទ ទី១៥ ខែមិថុនា ឆ្នាំ២០២៦ ឯកឧត្តម ម៉ៅ ឌុង អភិបាលរងខេត្តត្បូងឃ្មុំ តំណាងឯកឧត្ដម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ រួមជាមួយ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារតាមដាន និងជំរុញការផ្តល់ឯកសារអត្តសញ្ញាណតាមភូមិភាគ (ភូមិភាគ២) បានអញ្ជើញជាអធិបតីក្នុងកិច្ចប្រជុំដ៏សំខាន់មួយ ស្តីពី «ការជំរុញផ្តល់ឯកសារបញ្ជាក់អត្តសញ្ញាណជូនប្រជាពលរដ្ឋខ្មែរ ដែលទើបវិលត្រឡប់ពីប្រទេសថៃ និងប្រជាពលរដ្ឋខ្មែរដែលពុំទាន់មានឯកសារគ្រប់គ្រាន់»។